回顧零玖
一向藝人都被稱為虛偽嘅人
睇下阿蕉同Kelvin呢對禁毒嘉賓
一次日本旅行Kelvin化身毒品代言人
阿蕉就無啦啦暴露咗特工嘅身份
又一次證明 唔好咁易信人
偶像表面再好人 純屬形像方便揾銀
你邊會估到洒井法子會染上毒瘾
你又估下d偶像鐘意邊到結婚
以前以為賭錢先去拉斯維加斯
今日先知嗰邊仲興幫明星搞婚事
但人地結婚又關你哋乜事
預先通知唔通你要封大封d嘅人情利是
个个0靚妹都話我要做model
但擔心身高唔夠高做唔到名模
唔使怕normal 只要肯裸露
學rainbow攝缽仔糕
再學秀娜滴牙膏係胸部
食住雪糕加個愛的抱抱
保證警鐘胸都升呢做名模
金牌大風前排刮完大風
我諗d歌手都要改下口風
以前個個上台爭住講多謝paco
而家全部都要改口講多謝Ronald
全樂壇得Theresa值得我去尊重
因為得佢同我呢個rapper一樣食緊穀種
Stephy學人出書結果出事
一本書竟然有百幾個錯字
我諗佢唔係TVB fans
因為肯定佢無睇過最緊要正字
唔講唔知原來曹格咁抽得
不過田田仲勁一早就練成人帽合一
唔怪得頂帽好似痴實頭頂俾人點打都唔甩
Amigo散打大戰中巴
首先唔八掛邊個真邊個假
啊媽話呢d女人叫做邪花
孔子都話小人與女人難養也
祥仔無攻心計 皋雄攞到視帝
唔使問你都知視后係邊位
未諗過配角人氣可以咁勁
今年邊個未聽過 記住我嗰名, Laughing哥
08安琪喜帖街嬴咗几條街
09啲緋聞一樣唱足几條街
老公仲諗住露紋身嚟表態
都係嗰句 綠帽要戴得快 除得快
林峯攞亞太區男歌手獎你可能偷笑
都係學高登仔嗰句 認真 你就輸了
不如問問古仔今期有咩流行
當然係 省節能 輪胎能
再加澳門崔特首嘅 笨能
咁驚能嘅普通話,
我會俾爆燈10個珍
King of pop, Michael Jackson
斷斷續續十幾年嘅醜聞
戀童整容不停被事非炮轟, 雖然過身
但你始終係世人嘅流行之神
以前無錢d0靚仔最多打人荷包
而家0靚妹寧願自力更生去做援交
老師你點教 家長你點鬧
搞到佢哋價值觀徹底混淆,
人生在世又誰能無過
正生嘅學生決心知錯改過
我唔信梅窩無人試過行差踏錯
奈可香港自私嘅人實在太多
明明40幾層都可以叫88樓
以后有人問我身高, 我答有1米89
甘乃威識女仔都搞到咁大劑
追唔到女仔仲要搞到一身蟻
乃威哥奶咗劑咁濕滯 呢混仲唔使改名做甘奶西.
有d老公衰極都係走去揾女打洞
不過豬豬振聰就零舍唔同
原來同女挖風水洞都可以係一種浪漫偷情活動
公開旺角裝天眼捉漒水狂徒
我係狂徒聽到都唔會再去嗰度
我諗d高官智商真係低到接近無腦
狂徒捉唔到 求其捉咗兩個冒牌基佬
高錕光纖成就奪諾貝爾
再珍貴榮譽都比不上高太情義
禽隻話會有禽流惑
豬隻又話會有豬流感
食得嘅動物身上都話會有菌
連免疫針都話會打死人
台灣風災再到海地地震
天災人禍太多不幸嘅新聞
唔通真係徵兆嚟緊2012即將未日來臨
保皇黨實在太猖狂
市民就你有你講
強行撥款高鐵政策擺明係偏幫
你叫我仲點特區政府存有希望
特首Donald予意係當奴
印證年初求簽話香港有妖魔當道
幾時你先肯交出普選路線圖
香港人唔會再俾你嘅大話擺佈
上台時又話做好呢份工
呢份工你就做到好似發緊夢
政策對人民無用
最後再嚟個利益輸送
繼董特首后另一個正宗老懵董
大言不慚 斗胆叫市民買慳電胆
買慳電胆之前想先見你賣咸鴨蛋
以上係我對你嘅少少意見,
但我同你亦有唯一共同點,
呢點就係 我嘅意見代表全香港人整體意見
09 太多小人太多是是非非
太多困難令我差d想放棄
2010 MastaMic終於要起飛
我知你哋等咗好耐充滿希祈
做好心理準備
迎接我嘅The New Hope Mixtape
|
