琴日去左面試,6個人小組討論,不過偶好好人冇攻擊佢地講既野-V-

不過搶左比較多分既總結黎講XD冇計啦...班友仔係到狂搶住黎講....我左邊個女仔又少出聲啵....我咪好好人咁,講完問佢意見囉!不過我有少少後悔到冇攻擊佢地=3=

雞腸個時....原來佢地唔識聽....我仲第一個講添...因為我舉手講先,後來佢地聽到我講,先知咩題目,仲有一個男仔抄我講既形用詞....仲要讀錯音- -''

我雞腸個時有準備嫁....不過個時緊張...講少左多分既....不過都有重點,冇離題-3-

我等我個FD等到屎屎下...都係走左返屋企,跟住我返到屋企,佢打比我,我先知原來佢係最後一班放...SO我等到以為佢閃左人先...

我同佢去左食野...買左兩樽有DD酒精既飲品,我一直行一直飲-3- 有少少啤油味

談樂樂(陪我既FD)佢話我個著到好串,我唔覺得,著左一件黑色短(就)衫,一件黑色背心同一條青青地綠綠地既牛仔褲,銀色皮帶

我FD話我一直行一直飲類似啤酒酒樽既飲品仲串,佢話如果我有埋煙就成個飛女-3-我先唔制''

我同佢行左去公園坐,一路坐,一路飲,一路傾計-3-

仲周圍行,去左頌富,新北江行街街,仲同談樂樂去左睇我乾媽~幫我乾媽帶劉曉欣同劉俊去公園玩....玩到好夜-3- 

不過我大部分時間都係爬上高既地方吹風,個晚好多風-3-

我個時著左一件短(就)衫,一件背心,有少少涼涼地

個夜玩到9點先返-3-結果比牙媽話我...因為由下午12點幾出到9點...好累...

上星期開始病病地...但係冇請假,因為考呈分試.....冇計...死都要死返去考...

今個星期2請左一日-V-因為好暈...個日頂唔順啦...

可惜牙媽叫左我起身...叫我洗牙...食包食藥...跟住先去訓,點知我訓唔著啦...我爸又去左返工,得返我同我大哥...我就起左身打機+_+

估唔到竟然唔小人...成堆都係病哂冇返學-3-病貓場

愈打愈暈-3-

一個星期都未好返...冇計啦....又要返學....上堂唔聽=考試完蛋....得返常識堂可以訓教教...一個星期一直咳,一直塞鼻,一直頭暈...塞鼻好返D....點知天氣又凍返...就一直未好...依家仲暈駝駝...仲要做功課,今晚要早少少訓教教豬....

今年既年廿八真爽....唔洗整理屋企~好開心...不過...放假第一日就要番大陸...坐4個鍾車....真係...爽YY啦....

仲要5點鍾未夠就叫我起身返大陸....''大哥大牙...我琴日好夜先訓...唔好玩我牙''...但係都係要起身....結果...係車上訓個飽飽~~XD

早上九點幾返到去又唔洗幫牙婆整理屋企...爽~

下午去左削髮,清爽左好多XD

有個唔錯既靚女幫我洗頭,走出個間野既時候,我二哥話你就好啦有靚女幫你洗頭   XD~

同家姐一張床訓....好想訓係我旁邊既係我最好既朋友...可以傾足成夜...可惜我旁邊個個唔係佢

一邊聽歌歌一邊訓教教

年廿九

今日先要幫手....又掃地又...唉...總之做到屎屎下...累屎我了...

年三十

食團年飯,同大舅父,芬表姐,倩表姐,靜表姐,龍表弟,家姐,婆婆,大舅母,姥姥,公公,婆婆,細舅父,細舅母一齊

好熱鬧~

年初一

坐牙婆牙公部電單車去令利事,去左大舅公,細舅公同一個唔知咩人既屋企...唔記得=3=~爽牙~收左好多利事

數錢錢...100玩岩岩好...不過一d都唔洗得...有錢係身上可惜唔洗得....呢種感覺好慘...仲要全部比哂牙媽....

年初二

好想跟舅父舅母同二哥去見舅母d屋企人,其實想去收利事....但係牙婆話牙媽叫我留係屋企等人黎收利事...不過冇悶死我,因為二哥哥比左部psp我玩-3-

點知坐係木梳化上面成日...由早坐到晚...得下午有一個人黎過...10蚊雞....我坐到pp都硬哂...一日得10$....我二哥個日收左200幾...好不滿

年初三

早上,我同二哥玩炮(張)...走唔夠一秒就爆...我隻耳仔...完蛋了...

二哥,家姐,舅父同舅母去左海城....而我呢個{細路女}又冇得去....嗚嗚嗚....佢地去左海灘玩....我呢?陪龍仔玩....不過唔係好悶姐,因為我買炮同龍仔玩-v-好好玩-3-

年初4

晚上去左大舅公屋企,有舅公(白白地頭髮),舅婆(wow!超年輕{睇落好似...}),姥姥(當然成頭白頭髮),姨婆(個樣老但頭髮唔白),有利事收,爽牙-3-

愈黎愈多人....好多我唔識同我識既都黎左...仲係個到一齊食飯,分開4邊

食飯個時成日差d噴野飲同噴飯...因為我二哥係到玩野....芬表姐串二哥一句...二哥就專講d好自戀既野...攪到我地個邊d人狂差d噴飯...舅父仔仲噴左小小雪碧出黎...

食完侅出去玩炮...但係我已經怕了他...因為玩炮(張)個時已經怕左...舅父仔專講野激我...我專追住佢黎打-3-舅父仔大我3年-v-

年初五

因為住舅父話帶二哥出去買返香港既車票...跟住去玩...聽到呢句我就跟住去....我地去入油...買生果,係車上講緊一陣舅父請我同二哥去網吧打機...仲話夜晚去唱k,大家令錢夠200$去唱k...偶個時好開心,點知...一個牙伯帶埋個仔係電單車上一野炒我地家電單車...佢嫁車後兩有條繩咁既野....仲有個勾....個勾勾住左我件著緊既衫...我地嫁車失左平衡...趺落地下個野..腦入面完全空白...睇住個條繩...二哥見到條繩仲抱住我...點知一落地...佢係我上面滾了在我前面....佢一d傷都冇...我隻手同腳都傷左...舅父比電單車壓親隻腳...最慘既新年...炒車...