| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
|
|
|
哼哼...... 
今日起身，跟住番學校測驗，都好難下......唔知佢咩黎既.......最好就合格啦.....唔......放左學之後就去左淘大，等補習，食果個叉燒蕎麥麵，好味呀，係冷麵黎既，唔錯唔錯，之後就坐左好耐，跟住就上左去三聯睇書，之後又喺到行下行下咁，之後就去補習喇，嘩，我今日坐中間，哈哈，個阿sir俾左有啲人今年會考既成績表我地睇，嘩，超多A囉.......有個8A的.....超勁....佢仲話有幾個10A.......好勁呀.......之後上堂果時，唔知我做左啲咩.......佢竟然叫我答問題喎，嘩，嚇到我丫，佢一叫完我，跟住就成班望哂過黎，隔離房既都應該有望過黎......搞到我幾驚呀........補完習之後，終於到左我期待左勁耐既時刻喇！就係去攞我訂左既果舊野喇，跟住羅婷打俾我啦，咁就話喺百佳等，跟住企左喺門口，我都唔知佢係咪盲嫁，佢落黎既方向係對住我個位，但係佢係睇唔倒囉，我真係超無奈，跟住我跟住喺佢後面，佢唔知倒喎，跟住我就叫佢啦，佢又聽唔倒喎，跟住佢令轉面，先至見倒我........我諗佢未老先衰嫁喇，先十幾歲就眼又矇，耳又聾，都唔知點搞嫁佢.......跟住就一齊去攞果舊野啦，去到個人換左，啲野唔見左，跟住佢啲態度都唔太好嫁喇，跟住我就話我訂左野啦，之後攞埋張單出黎，跟住佢就話冇呢張紙喎佢果到，之後佢打俾佢講既老闆，啲語氣就真係一啲都唔好啦.......之後就話冇我地想要既野，之後要我地揀喎，都冇一個啱，之後咪唔要，要佢退錢囉，跟住就走左喇，之後喺淘大同德福都搵過哂，點知係冇喎.......都唔知點解嫁.......之後去左一間文具鋪，我諗住入去啦，咁就向住門口既方向行，點知羅婷走左唔知去邊，原來佢走左去令外一邊，跟住我問佢做咩，佢話入去喎........我唔知佢可以點入囉，果到係冇門口的........我真係當堂冇哂野講......之後冇幾耐就走lu~佢去旺角，我番屋企，我唔明點解佢去極都唔悶.......番到屋令就睇電視，包餃子，係鍋貼黎嫁，我幾叻呀，全部我包嫁，哈哈，之後仲要啱啱好，冇料淨，哈哈哈，食完就睇埋啲電視，之後睇大結局，都唔錯啦個結局，好睇！睇完電視我就開電腦喇，我都好耐冇開過喇，開到點幾就聽歌，之後就訓左lu~
刊登時間︰2005-08-13 02:57 PM [ 訪客留言(0) ] [ 編輯日誌 ] [ 分享至FACEBOOK ] |
|
« | 131 | 132 | 133 | 134 | 135 | 136 | 137 | 138 | 139 | 140 | ... | 168 | »
|
------------------------------------
mｙ ｆd仔s∼／／
