今日超眼訓呀，都唔知搞咩，尋晚成晚都冇訓過∼∼∼失眠喎！跟著一大早又要on duty喔(7:50am返到去),真慘!

        係 Lunch time時,又因某prefect犯左d錯誤,我又要開會並處理一些事情.個prefect最後被降職,因為我地要她realised做錯事就要負番責任,咁先係做人應有既承擔.

      下午兩堂係超悶既催眠堂∼∼∼中文.由於個老師既教學方式已out晒,加上飯氣攻心,搞到我勁想訓覺.可惜我處於危險地帶(第一個位),冇得訓,唯有靠畫畫來解悶&提神,點知被miss鬧:而家係畫畫堂咩?搞到我要即刻收埋,唔能夠完成我既傑作,嗚嗚~~~

       放學之後,又要去hall聽關於jupas既talk,教我地應該用咩策略去填張form,同埋每間university既入學要求.他仲要我地試填下自己最鐘意既系和學院.哎,真係考起我啦,我都唔知填咩好,未唸定.就算我想入,但人地都未必收啦.so都係等我參考完資料再作決定.

    今日一整天都係在度美化我既日記網頁,加d背景音樂呀,滑鼠效果,閃字呀......對住成日電腦,搞到我超累,我就來同部computer一樣short short d啦.Maybe用得太耐,部電腦 load得超慢,氣死我啦.    哎,都唔知點解d音樂點解唔可以隨機播放多首(我repeat左無數次) ,唔通係d語法唔岩?請問邊個可以話俾我知呀? Help me~~~Help me~~~

   今朝原本話同顏珍去睇<<童夢奇緣>>套戲既（珍話我地要增進下感情，＾＠＾）,點知尋晚打電話去book位個時,個staff話只係剩低頭兩行既位.頭兩行?會睇得人個頭好痛,絛頸好累,所以我地就give up左,改為next week先至去.

   今日話晒都係國慶喎,點都要出去湊下熱鬧既.上午,我爸,家姐同埋我大哥就去左昂船洲睇軍隊表演,他地話可一睹解放軍既威風,不過就超晒羅.夜晚,我就同家姐,阿嫂,侄子去左灣仔體育館睇蠆文藝表演,幾好既,有歌聽,有舞睇,有魔術,仲有games玩,咁埋同侄子去玩羅,換左d好得意既公仔,搞到個侄子勁happy.不過就miss左有得影相製成襟章既檔口,勁失望羅!D人話要清場睇煙花喔,SO~~~  最後我地又睇埋煙花先走,睇live果真唔同既,d情緒特別high,何況d煙花又的確係好靚．嘩∼∼∼好靚呀！

~＊＊希望香港的前途如同今晚的煙花那樣璀璨無比!＊＊∼