會考既最後一日  

今日十點半就返左學校練oral因為今日下晝我就要考ｏｒａｌ喇，好緊張又好驚。返左學校，同麥家慧、芝士、鍾苑婷＆戴秋嫻練左陣，練到十二點幾先返屋企。
返到屋企之後，就開左陣電腦。之後就食我既ｌｕｎｃｈ喇。跟住我就同藍姐傾左陣電話，傾下去考既時候係點咁ｌｏ。
隨著時間一分一秒地過，到左三點幾，我又開左次電腦玩下，紓緩下我緊張既心情。
到左四點鐘，我同我阿媽出去喇，要踏上死亡之路喇。本來我淨係諗住我自己去架咋，點知阿媽話我阿爸今朝臨出門口返工既時候叫醒佢，叫我阿媽同我去。但其實咁近，而且我都識去喇，你都要陪，我會覺得好唔知點ｌｏ，我都想自己去行下架！
去到ｂｕｓ　ｓｔｏｐ，點知送車尾，不過好彩我特登早ｄ出門口ｏ者。等左幾個字度，７１ｋ黎喇。上左車，一坐低，竟然俾我睇到阿ｔ個ｍｖ呀，勁ｈａｐｐｙ呀，之前成日搭巴士出九龍呀、觀塘呀都見唔到，以為我冇再緣見到添，好彩我今日決定搭巴士去ｏ者，真係ｌｕｃｋｙ呀，哈哈。
去到太和，五點都未夠，所以我就同我阿媽行下，行左商務，見到佢話上榜書有九折，而我想買果本＜在天堂遇見的五個人>上左榜，諗住搵下有冇同睇下幾＄，點知搵唔到。
到左五點二左右，我就開始去果間＋密聖道。去左去聖道，我見而家先搭四左右，唔會咁快上去，咁我咪打俾藍姐傾下計咁ｌｏ，點知傾左冇耐，果ｄ人就話可以上去，叫我地睇下自己喺邊層，我一睇，點知我個waiting room喺６樓喎，嚇死我喇，要我上到６樓，喺卍慈最高都係５樓針ｍａ，搞到我行到死死下咁。都唔明．．起成６樓咁高有咩用喎，不過慶幸我唔係讀呢間，如果唔係就死囉。
入左班房之後，就等個考官報到，佢冇耐就叫左我，本來我以為早叫我，就會早ｄ考，點知唔係ｌｏ，等到６點幾７點先到我去考。我個組有３女１男。肯定原本我個組有ｄ冇黎到喇。我係果組人既第一個，所以我考先。
原本以為d人都有咁上下叻,點知唔係,考A Part得我一個係個考官俾晒d答案我,其他就至少希1條冇答，果時我個心就安落ｄ喇。到左考Part B，係我最唔掂既，點知佢仲要俾個超難既題目我地discuss喎，話我地要做個project關於喺辦公室做野，有ｄ咩好、有ｄ咩唔好、有咩做、需要有咩ｔｒａｉｎｉｎｇ同埋點ｐｅｒｓｅｎｔ我地個ｐｒｏｊｅｃｔ。就算要我用中文諗都諗唔到喇，而家仲要英文講出黎喎，今次我諗都死得架喇，加上個男仔又唔講野，連個考官問佢有冇野講，佢都話冇，我好憎佢ｌｏ，搞到我地個discussion唔知點咁。
考完之後，我就同果兩個女仔傾開計，講番考既時候果ｄ野，講講下，知道果兩個女仔都唔係住附近，一個住粉嶺，一個住馬鞍山。落到地下之後，ｄ雨愈落愈大，好彩我有帶umbrella咋，唔係就死喇。我仲同另一個女仔一起行添，不過行行下佢個ｆｄ黎左，之後我地就講左ｂｙｅｂｙｅ　ｌｕ！
其實佢地都幾好傾架。
到左７點幾８點，我終於都返到屋企喇，成個人都鬆晒，唔使再考ｌｕ．．．

 幾時出版: 2005-07-24 08:21 PM     
                                                       
                                                            [ 編輯日誌 ] [ 分享至FACEBOOK ]