就係拎起支筆...許張紙上畫畫畫...因為有張紙俾我撕左一半咁唔好浪費左佢..咪拎黎畫lo...

好快就畫完...之後就用左小畫家將我既傑作畫左出黎....就是以下的兩張喇.....花了我數小時啊.....

心血來潮既嘔作.....總是覺得怪怪的.....

圖大功告成....好有滿足感啊.....因為沒想到可將畫的東西呈現在電腦內啊!!!

黑白雙煞!!!哈...

最令人覺得恐怖既...唔係d咩咩經歷....而係節目既背景音樂.....

今日都係差不多時間起身喇.....又溫左一陣咁喇...但今日好攰....

下晝返去CEO.....今日遲左少少出門口...搞到我要趕返去.....

返到去....見到中SIR由廁所行出黎...不過唔理佢咁多喇...趕住拎FILE上去...SO望左佢一眼就閃走左.....

之後上到去....坐坐下...MIS秦帶了5個F.1黎...話佢都做D通識測驗錯好多...叫我教教佢..

我見佢D題目都好易下....感覺得好似簡單D既中化咁..講咩傳統社會觀念咁...

咁就教喇....開頭真係唔知點開始...因為我又唔知佢地係明但唔識寫丫..定係直情唔明...SO都係由最近果個女仔教起....咁一路講..佢都有聽我講既..但我梗覺得佢唔明但又唔想聽咁....不過佢有好多字都唔識......以1個中一生...果D字應該唔係咁難o者...

之後又教第2、3個...咁我又一路講...問佢地明唔明呀....有冇咩唔明咁..咁佢地又話明喎...但我問番佢果一樣野點解...佢又答我唔到woo....咁樣..真係唔知點入手好喇...

最後的2個學生....超曳.所以最後先理佢地...叫都唔聽....淨係掛住抄答案..係咁話識...問佢果一樣點解...又解釋唔到woo....教佢又唔聽......

真係俾佢地激死喇......成日掛住玩......教又唔係..唔教又唔係....對住果兩隻野..都唔想教落去..有心機宧都變左冇心機....

真係好似miss tong話齋...老師呢行真係唔好做!!!.....

4點3...終於都放得佢地走喇........

課室裡沒那麼吵.....只剩一個學生跟那個阿sir對話的聲音.....而我...正因為那班F.1學生....冇咩心機溫書喇......之後突然諗起一句說話...「見到佢係惡運既開始」...在以往我沒太留言是否真係有不好的事發生..但此時..我有這樣的同感了...

4點8...閃喇...

今天是辛苦的一天!!!

<瑪奇朵>昨晚終於都大結局喇.....不過對於佢個結局...個人覺得草率左d....

下星期可以專心地睇公主小妹喇....

原來中視做緊既死亡筆記既進度只係快香港既一集咋...不過講既係日文(仲以為會配音講煲冬瓜tim)....唔..都係等星期六晚先睇喇....

返去時..在樓下近公園位置見到個小學同學...我諗應該是他吧...因為也很多年沒見了...讀了幾多年中學就冇過佢咁耐....

今日見到佢...感覺好似乖左咁.....見到佢諗番起以前小學的日子....

記得以前放學...我同另一個同層的同學仔回家....他和另一個同學(當這位同學特登搭我地架LIFT...我地都會知道將有什麼事發生)好鐘意推那同學仔出LIFT....而我多數都會出LIFT先..所以都會被牽連在內...一同被推出..(至於我沒有被推...應該沒有的喇....因為..我想極都想不到我有否曾被推過....)....總之喇...他們總是很喜歡玩弄她喇....

哎呀~有D懷念小學時代啊.....那時什麼也不用想...開心得多了...多麼的輕鬆自在啊....!!!

講番今日先....今日班房內熱鬧左d架喇....因為黃sir帶了幾位學生來....

而我就在那裡溫書喇.....

今日當值的老師是新來的....姓鄒....我想她可能就是傳說中從某校轉來教地理的老師吧.....感覺上...她幾好人....

4點8就走人嚕....亦溫完晒我今日既目標了.....Yeah.....!!!!

食完就行下喇....行到1點就回家....

2點9又出過去..因為約左bu同chi去剪頭髮.....

去到...果個男仔不在啊.....嗚嗚.....已經有幾次唔係佢剪喇....我鍾意佢剪多d...

剪前..洗頭....個男仔洗得好溫柔下.....不過d按摩就....按到有d痛...

今次又係Grace幫我剪....佢竟然認得我woo....對上一次..都差不多半年前喇...半年冇去竟然仲記得我woo.......如果果個男既許度...我諗佢都會認得我....

Grace一路剪..有時又同我傾下計咁....

良久..chi來了.....Grace就問我一d關於chi既野....估唔到...佢真係咁好記性woo..chi n年冇去..佢仲記得.....

剪完又洗頭..之後個果男仔又幫我夾一夾去....佢夾得唔似果個男仔咁架....總之都係溫柔地幫我夾喇...

夾完又修下之佢咁喇......今次覺得Grace剪得唔錯....

前面睇會覺得我真係剪過黎...不過許後面睇就好似冇咩點剪過咁...仲俾bu話我有「踢死兔」..好似有個燕子尾咁...

等埋chi..坐左一陣就拋棄bu一陣..同chi去左買野先.....

6點幾回去...bu仍未搞掂.....我們就看看雜誌喇...

搞到7點...bu搞掂了....我們可以去食shabu shabu了.....

點知去到火車站果間美心...好多人....個shabu shabu又售罄....=.="..

我們便轉而到大家樂打邊爐.....

食食下...bu佢地問我係咪發燒...因為我塊面好紅....但我諗係因為個d煙向我果面吹既關係啊....

食到9點就回家了......

又見到鄧天恩了.....=.=""...幸好當時正行入課室...所以只跟他說了一句話使可逃脫....

今天又見到那一位F.2男孩....他又是逗留了15分鐘便離開...他做功課的速度真是很快耶....15分鐘就做了不同科目的功課.......

他走後課室又剩下3人了.........課室變成了一個又舒服又寧靜的地方......真是舒服得很呢....

4點8..我們就走了........

星期一因為是放假所以不用返了.......