補番打1/7日記先.. 今日o岩o岩去完遊船河..好眼訓好支力呀..
1/7 今日生日真係過得好開心呀>ｖ< *
前一晚12點幾去訓...訓唔著..再起身睇埋德國對阿根廷..12碼..好殘忍呀-3-
我地朝早約左10點9等..同bｕ同彤ｏ係太和等先..見到翹呀..
今日有 我,彤,bｏn,翹,莊,bu,之,ring,鵪鶉,鄔智,廣源,朱廢,謙,璋,kingkong同大佬16個..
我地11點幾去到安達ceo唱k,不過可以唱到3點咋..唔夠喉呀.. 好多歌都好似無唱到..唔緊要都幾開心^^
我地D女仔唱k啦,d男仔就鋤Ｄ,之後佢地都有唱到..有香檳同蛋糕..果蛋糕都幾好味呀..我彤,翹,之都鋤左鋪Ｄ..
咁呢..當D人食緊野O既時候..莊果個未黎丫嘛..我就去問啦.點知BU子就拉我出去TOILET-.-唔俾我入去..
入番去..之後就送禮物..個個D禮物我都好鍾意 >3<多謝你地,,好愛你地呀!! 不過BU子佢地果份就-3- 勁SURPRISE..
過左3點..我地再坐左一陣...唱陣歌先走..諗住去重慶大廈影貼相..點知果間野執左..無得影呀><" 慘..之後RING走左..
我地D女仔去行街,班男仔番大埔打機..去左HARBOUR CITY..見到MS LAU同佢男友..我以為自己睇錯..好彩彤眼利..
不過唔靚仔..仲幫MS LAU拎個心心袋.. 之後去玩具反斗城..好大間呀果個..好多野睇..影左D相相.. 我地失散左一陣..
搭271番大埔..隻腳唔使要..支力到呀..間巴士冷氣又大WO..訓左一陣咋..番到去..過大中沙隴食..班男仔之後過埋黎..
食完..我地過海濱..玩心臟病..好好玩..我之後一早諗住呢個GAMEO係K房玩..不過O係海濱果到玩都幾好玩呀..
10點幾去謙璋屋企到睇波..彤翹同之之番屋企..我地就去睇波..成大班人一齊睇..英格蘭輸左呀.. 好慘呀><" 好唔抵..
碧咸傷左呀..朗尼又紅牌出場..超慘! 睇完同bu鵪鶉大佬番屋企..送bu番去先.. 番到去沖完涼..成3點先訓..
2/7 今日晨早就起身..去遊船河..同彤,bon,翹同之之.. 約左翹,彤之等先.. 今日都好開心呀
我唔記得帶相機呀><" bon有提我架..不過我出左去先開電話..先睇到個sms ..好彩bon有帶..
朝早落雨..之後曬到死..首先我地去搭船塔門...船上唱詩..好正呀..不過我把聲沙左..翹話我MAN呀-ｖ-
中午食海鮮餐..不過好似唔似wo..食完LUNCH食雪條..好爽呀..因為真係好熱呀..之後就搭船去東坪洲啦..架船好拋呀...
我O岩O岩食完野又唔夠訓..搞到嘔- -好辛苦呀..N年無嘔過..不過嘔完好精神..好彩有BON佢地..
去到東坪洲..又行山..又熱又曬.. >< 我地影左D相..不過個個D樣都唔知咩樣..因為一係有風..一係熱到死..
番去果陣..我地行左船頭..o係到唱歌啦..好正呀..吹海風好舒服..不過個頭就-3- 我同翹都癲左啦 XD
我地o係到拍mv咁..好好笑.. 我講野愈來愈語無倫次啦 .. 哈哈
