今天真係好無奈~~

李汝輝佢同我講﹕「曾嫂，有咩吩咐呀?」

我話﹕「如果你想我做你呀嫂既話，你就即刻入去女W.C.同人講，我愛李紫娜!」

佢聽完之後就彈開左幾尺，講﹕「曾嫂，你好衰呀!」

佢講完呢句之後，我超級想嘔，因為佢一路講，一路係到扮女仔~~

到左放學，我因為要去一樓同郭老師講番D野，所以遲左D先放~~

咁啱曾維皓同林健樂係到唔知做咩，我就好似見唔到佢地咁照直行~~

曾維皓見到我行過，佢無嗱嗱申出隻手，令到我撞左去佢到~~

之後我冇理佢地，去7-11同Bonnie玩~~

點知係學校對出，曾維皓無嗱嗱係我前面出現~~

佢同林健樂一齊行，曾維皓同林健樂講﹕「可唔可以俾我企係小錢錢側邊?」

林健樂答﹕「呀!呢一個係好應該架。」之後佢地就換左位，宜我就係到嘔!

因為佢竟然叫我做「小錢錢」!!!

之後曾維皓同我講﹕「小錢錢，你知唔知『單拖』好危險架!」

我就好無奈咁望住佢。

林健樂又同曾維皓講﹕「我係唔係做左電燈膽呢?」

之後曾維皓就好細聲咁同林健樂講左D野，之後佢地又係到淫笑~~

去到匯八方既電梯到，一大班男仔係到接曾維皓~~

班男仔又係咁同我講﹕「呀嫂，同老公拍完拖la~~有冇拖手仔呀?」

如果嗰到唔係公共場所，我唸佢已經住緊醫院~~