今日叫左呀媽7﹕00叫我起身，點知7﹕15先起到身。

之後就勁快咁做晒所有番學前要做既野，7﹕30番學。

好彩趕得到，今日要派成績表､畢業證書同埋派位證。

上到課室超熱，加上行左幾層樓梯，真係好想食雪條。

(點解我係想食雪條，宜唔係想開冷氣?因為，學校部冷氣真係開左同冇開冇分別)

坐番埋位，老師又叫我派野，唔夠一分鐘又要起番身。

派成績表嗰時，好驚有一科拎C，不過冇。五個A，五個B。(成功過度97)

派畢業證書嗰時，好驚係修業呀!不過係成功地畢業。(Happy)

派派位證嗰時，唔知自己入邊一個中學，又驚。

因為老師未派嗰時，講左幾句好恐怖既野﹕

(1)呢一次有好多同學入到第一志願(我地好開心)

(2)不過，有幾個同學寫錯左號碼(個心已經驚驚)

(3)亦都有D同學派到第10志願之外(嘩，打冷陣)

之後，老師就開始派lu。

我係4號，所以好快就知道自己入邊間中學。

好彩，我入左聖傑靈女子中學呀。

放下心頭大石lu。