好啦，小學既同學都知道今日係最後一日番學。

今日朝頭早番到去學校，大約係8﹕10 la。

不過，我地條班隊好似冇人咁。

因為仲有好多男仔未番，佢地真係「bad boy」。

咁早會就頒學科獎la，頒鬼頒馬咩，我地班D學科獎都俾人拎左la。

仲頒黎做咩呀?嗰個米係李家杰同埋劉鍵鍏low。

都唔知係咩人黎架，可以咁勁bow(我有時都懷疑佢唔係一個普通人)。

上Math堂嗰時要同6D班既人齊上，所以好迫呀。

黃子軒坐係我前面，唔知點解，佢成日用隻腳黎踩我，好痛呀。

第二堂係中文，甘老師要我地做一份「模擬試題」。

做完之後就狂派野，派完呢樣就派嗰樣。

第三堂要上英文，Miss Kwok叫我去佢個位到拎一個紙箱。

之後曾維皓就話﹕「你要落去執紙箱lu，哈哈......」

我都冇理佢，因為係我大方，我好好人架。

拎左上黎就已經做緊D英文工作紙。

之後Miss Kwok就係個箱到拎一D野就派。

原來係相，畢業典禮嗰D相呀。

唔知點解，今日12﹕00就放學lu。

放完學，我地就搵左甘老師同埋Miss Kwok影相。

影完之後就同佢地影下個學校大門。

之後就同佢地一齊過左去坪石。

點知，有一班男仔係到，我估到佢地想做咩。

所以即刻撳住隻ear，佢地真係叫﹕「呀嫂。」

咁我行過左米放手low，點知李汝輝講﹕「呀嫂，做咩撳住隻ear呀?」

佢又講﹕「係唔係今日小息嗰時撞到大佬個頭?宜家仲痛呀?」

黃子軒又講﹕「使唔使叫大佬黎幫你呵番呀?」

我當時好想跑架，不過I姐又係到唔行。

I姐無la la同D男仔講﹕「你地再係咁講，信唔信錢佩瑩會叫佢老公黎打你呀?」

我真係估唔到I姐會咁講，所以冇晒反應。

之後I姐又同我講﹕「我會叫埋曾維皓一齊去聖傑靈探你架。」

我已經覺得I姐好衰，因為佢幫D男仔都唔幫我。