今日，係我地六年級既畢業典禮~~

我係7﹕30出現係學校(因為7﹕45要去嗰間中學，所以早左起身)。

我地係經MTR station去彩虹架，所以有一大班人係嗰度~~

我地啱啱落到station，就見到黃俊宇。

佢話因為遲左起身，所以宜家先到。佢仲打算番去學校，好彩冇番炸~~

行行下，黃俊宇冇啦啦問我﹕「呀嫂，有冇同大佬洞蜜月呀?」

之後我答﹕「我都冇同過你大佬結婚，又點會洞蜜月呢?」佢就冇聲出~~

去到嗰間中學，入到禮堂，先發覺我地學校既禮堂超...超...超細!!!

老師話過要綵排一次，我地上去拎畢業證書同埋獎狀(操行､服務同埋學業獎)。

點知我竟然有得拎操行獎，但係唔開心同埋開心都係我既身體裡面。

唔開心既原因﹕要上多一次台，個心好驚呀

開心既原因﹕梗係因為我拎左獎啦

到左黎真既時候，我既心情又緊張左(唔知係唔係因為媽咪係度呢)!!!

我我嗰班拎畢業證書嗰時，我嚇到打冷陣(係因為好多人睇住)。

都好好彩，冇咩事發生。但係，我仲要拎多一個操行獎。

我排隊上台既時候，係咁打冷陣，因為呢一次係自己拎，唔係人地。

所以我係咁諗﹕上台､鞠躬､握手､接獎狀､影相同埋向大家鞠躬。

終於過左呢一個咁恐怖既場面啦。就到致謝詞同埋送紀念品俾坪天。

致謝詞人選﹕黃圍騰          送紀念品人選﹕陳朗瑩

再之後，就係欣賞一連串既表演。包括﹕跳舞､敲擊樂､拉小提琴

我地班都有人表演架!!!三個都係女仔黎。

跳舞﹕關百惠Mindy   敲擊樂﹕黃靖貽Betty   拉小提琴﹕徐曉嵐Yoyo

睇完呢一D表演之後，就可以走啦~~

我同徐曉嵐影左一張相之後，陳德華老師竟然出現呀。

不過可惜我冇帶嗰個畢業相番黎，如果唔係，我一定會俾佢簽。

之後，我同徐曉嵐叫左Mandy姐姐幫我､黃老師同埋徐曉嵐影相。

今個朝頭早就係咁就玩完lu。我好想玩多一次呀!雖然好驚，不過好開心呀。

講下D學業獎得主啦(頭三名)﹕

第一名﹕6F班李家杰

第二名﹕6A班張頌怡

第三名﹕6F班劉鍵鍏

嘩!!!10名裡面有4個都係6F班架。6F班好勁呀(部份人)。