D 時間真係過得好慢~~~~

而家先係三典幾~~~

真係有排捱喇~~~

今日四點四十五分,我聽倒出面傳出消防車聲~

一般我對消防員d車聲都好敏感架~

不嬲我聽倒消防車聲都會走去窗望下睇下邊度發生事架

今日我一望落樓下,竟然就係見倒消防員係我座大廈既對面馬路落車喎!

我即時大叫~點解係樓下落車架~真係驚

跟住再叫位同事同我一齊望啦~

冇幾耐就望倒對面工廠大廈某一個窗有好多煙呀~

初時我都覺得冇乜野既,d同事仲拎手機黎錄住現場情況添~

跟住越睇越唔對路喎~因為真係好大煙~

跟住我就同d同事講準備執野走~之後我即走落樓下

了解情況~落到樓下好似冇事咁~因為風平浪靜~

跟住再走去出事現場問下d消防員啦~嘩~原來d消防員好令仔架~哈哈

佢同我講我唔係你老細,我唔可以叫你走~但係條命仔係你自己既

有得走果時就要走~唔係再遲d冇人擔保你走唔走倒~

佢仲叫我唔好再上樓~打電話叫同事走就算數~

但係我就走番上公司執埋野就叫d同事一齊走囉~

我地走果時太子爺仲話未夠鐘點解要走?

仲搵佢老豆黎壓我~我冇采佢就走左~

因為我發覺呢個人都低低地既~

我地走左之後再打比老細,佢都話三級火緊係唔洗諗啦~

佢仲緊張到以為我地未走添呀~好野~老細冇炸型~

即係我既決定係岩既~哈哈

不過今日收左工之後就行左好耐先返到屋企呀~

行到周身大汗添呀~因為封晒路

要兜路走~(行多好多路架)

最慘就係塞死晒又冇車~

不過呢d咁既經歷我都唔想再有呀~

睇倒今日果d煙~都好明白點解原來煙都可以焗死人架~

岩岩睇倒新聞仲話未熄火~仲有兩個消防員不適添呀~

真係認真大單~今日係鬼節呀~真係驚驚