今朝都係一早返到公司啦，本身我係好開心既就係因為我對左好耐好耐既數終於都差唔多對完喇，真係好興奮架因為如果2006年既數我仲係交唔倒呢我2007年既數就真係唔知點做架啦~~但係唔開心既事就係下晝一點35分開始•我真係嬲得好緊要架•我同老細大聲講野唔係代表乜野，而係我覺得我根本冇錯•錯就係老細一個人錯晒•但係你地又唔知老細係唔會認衰呢!!!上個月我炒左公司一個女仔麻~~就係諗住請番一個仲幫得手既人黎做，等寫字樓d野順暢d，返工都開心d啦，我炒人之前就一定會通知老細啦，佢都冇反對架，因為不嬲寫字樓既野佢都唔多理，總知d野我地自己搞得掂就ok架啦，點知我炒左人之後想登報紙請人果時佢先同我講話不如唔好請人，叫佢個仔做果個位，睇下得唔得，我當時已經同佢講左唔得唔得架啦，因為係我公司做唔識中文打字就跟本真係做唔掂架，我請人都一定要識中文打字同埋熟識電腦先請啦，咁一個老細講得出要佢個仔做你地估我又可以阻止倒咩?咁就係6月5號呢個所謂既老闆仔呢就係寫字樓做啦，初初既幾日佢都可以九點半之前返到公司做野，咁當時我都以為佢好有心去做好呢份工架，我地比佢做既野真係好簡單只係開下單同埋做filing ，呢d工作平時既人半日就可以完成，但係呢位老細仔呢就做一日都係做唔完既，咁就唔完又走去收工喎，咁我已經提示左佢叫佢做野爽手d專心d唔好成日掛住傾計上網，佢就係聽左就算都唔聽人講既，另一位同事已經晚晚做到9點都係為左呢位人兄，咁好啦，一個月之後既今日就惡夢發生左啦，老細同d sales開完會之後自己房都唔番就黎話我做乜仲交唔倒月結比sales去收數，咁我都已經冇講話有同事幫佢個仔開單d野出黎，因為費事比佢插，點知佢仲越話越離譜，我成個日都超興咪同老細講係佢個仔搞唔掂唔係我地搞唔掂，點知佢仲插話邊樣急就做邊樣話我安排得唔好喎，一句都冇話過佢個仔，咁我就即話"月結交單跟本就係果個位做既，正常既同事一早就搞掂啦，係佢個仔搞唔掂姐"•咁我係冇講錯格，點知老細仲插話要我幫下佢手，咁其實在我立場幫下佢手唔緊要，但係佢又唔明白點解會搞成咁，咁我已經好嬲咪大聲咁同老細講話我可以自己d野乜都唔做去幫佢個仔搞單，點知老細仲話你唔洗講呢d野總知我就要搞掂d單，星期一就一定要交倒比sales，咁我先至仲勞鬼氣，佢竟然同我講話抽兩個鐘幫佢個仔姐我就講咁多野，但係佢又唔知兩個鐘跟本就唔會搞得掂，於事一夠兩點鐘即係lunch time已過~~要開工啦~咁我咪問太子爺拎晒d 單黎我自己做唔洗佢做囉，一睇倒d 單就眼火爆啦~6月30號既野都未做好，真係唔知佢點做野架~仲有file單都file錯，我用左三個鐘頭既時間已經搞好晒d單~因為有另一位同事幫手對單哩~~呀太子爺呢就仲係度對緊一個戶口既數~~佢仲話對極都係唔岩數喎~~ 一疊單姐就可以搞到八點幾都搞唔掂都真係唔知做乜鬼~正常如果請左一個咁既人跟本就兩日會炒啦~~仲會有機會埋數咩??? 真係開玩笑~~~呢位太子爺做野既速度係比正常人慢一倍有多架，因為佢唔專心同唔用心囉，我決定左架啦，我每個星期都會比個進度報告老細~費事每個月佢都黎插我呀~我真係遲早頂唔順哩!!!!

雖然話出黎做野係要受氣就人人都知~但係冇理取閙就係唔岩囉~~我知老細成日以為我冇野做格~~但佢又唔明白做一個會計唔係每個月要交數~~係每年要交數呢~~如果我唔係個個月清倒我自己既野~~到左年中我交唔倒數又邊個可憐我呢???? 有一年我係試過做極都做唔完~~ d 數對極都係唔岩~~交數比會計師既限期又到~~爛時我每晚對數都對到11點又有冇人知呢~~自從果次開始我就同自己講一定要出聲同老細講要搵人幫我手~~我跟本就唔黎咁多野~~點知而家又黎啦~~太子爺黎搞亂寫字樓啦~~半日既野都做唔掂~~佢根本就幫唔倒我入數~~又唔識打字~~真係唔知點算~~我打算遲多一個月就同老細講佢個仔幫唔倒我~~叫佢比我請人~~如果佢say no 呢我真係寧願唔做都唔可以比自己咁大壓力啦~~我個人又好衰既~~有 d 野發生左呢我就訓唔著教架啦~~壓力就係好緊要架~~今次真係比佢兩仔爺玩死左~~星期一返到公司我會好留意太子爺~~如果佢搞唔掂我係唔會比佢收工架~~仲要同d同事講唔準幫佢開單~~因為佢好依賴人地~~覺得自己做唔切d野果時一定有人幫佢手~~咁樣諗係唔得架~~佢而家做既野就真係好小~~真係半日工都搞成咁~~~~~~~~~~~~~~炒得啦~~~~~~~~~~~~~~總知真係好 Q 煩~~~~