今朝都係一早起左身去放朱古力啦~~

我遲左一個字出門口姐~就鬼死咁多呀伯呀嬸落街晨運喎~~

第日如果遲真係要遲兩個字先至得~~

今朝其實我入電梯果時都係得一個人~~

咁我就緊係入啦~ 一個人之麻~不過入下入下就成部電梯都爆晒lu~~

咁我已經捉實朱古力~真係唔會整倒人~~

典知出電梯果時,我已經係等所有人出晒我先出架啦~~

哈~點知有一對其實唔係太老既夫婦真係行得超慢~

咁我都係佢後面,同朱古力一齊通常我都唔會行先架~~

絕對係等d人行晒我先至行~~典知~唉~臨尾香.......

個呀嬸真係行得太慢~係我行出去第一步朱古力已經

整倒呢位呀嬸既鞋尾~~其實都係"high"一"high"姐~~

唔洗咁大反應呀~~佢真係狂閙囉~~咁我已經係狂講

"唔好意思~真係對唔住" 我真係講左起碼有5次~

佢都仲係咁啤住我~唉~~最後尾都係好采佢個老公扯佢走呀~~

都唔知佢會唔會投訴我添呀~~屋企人就話唔~~唉~~我就真係好驚喇~~