雖然覺得稍後的小弟生日會說差不多的話 = = 但冇所謂吧~~~
2005年對我黎講係比較特別既一年~~~主要係因為比會考既強烈恐怖籠罩住 =_=
咁岩會考又係五六月既事 =0= 所以上下半年既生活都好大分別

排名分先後~

第一大事:

就係小弟做唔到 Prefect leader 啦 = =
各位 members 見到唔使驚住喎咁又 , 雖然呢個遺憾到死果日我都必定唔會忘記~~~但我會盡力做好我既 senior 的 @~@ 而且小弟早就接受左呢個現實了 , 可能大家見到第二第三大事 , 會覺得呢件事不足為第一位 , 不過這是真的 , 這對我的打擊真的很大很大 , 如果有任何人發現我有自暴自棄既跡象 , 我同大家對我有期望既人講對唔住
對於點解我做唔到 leader , 有好多講法 = = 當然可以所有講法都是因素~~~ 總之.......一言難盡
Prefect 對我黎講真係咁重要? 係 , 真係好重要 , 我覺得比起中四Prefect , 中三做果D既影響大好多(希望中四既members唔好介意@@) , 特別係比較被動既同學 , 有幸我中三跟了兩位很優秀的 leaders --- 阿Lu 同 偉哥 , 有D prefect 聽到阿Lu 會覺得有點耳熟吧~~~鄭sir係上星期的打邊爐都有提起過佢 , 佢就係YMC中三時期既 leader , 換然之小弟同YMC中三時是同組的~~~(得我地係中三) , 就一個Member而言 , YMC 真的比我好很多 , 所以阿Lu經常係鄭sir面前提起YMC而冇提我早就習慣了 =.= (好似愈講愈遠) 阿lu 係好有領導力既leader~~~而偉哥係特別鍚我既 leader~~~係佢地令小弟係學校中前所未有咁被重視 , 同時與不同班不同年紀既groupmate一齊做好多好多野 , 感覺好新鮮 , 生活多采多姿好多 , 令小弟早已有「中六一定要以佢地為榜樣」既念頭............
(似乎仲有好多呢 = =) 另外...........唉 , 都係唔講咁多啦 , 如果講小弟做Prefect既歷練 , 真係打三四萬字都仲得 , 如果有人真係好想我打既話 , 係度留言吧 = = 超過五個人留我就打啦 @~@
總括而言 , Prefect對我既影響好大 , 而小弟亦敢肯定自己係一個好Prefect , 對於我做唔到 Leader , 對我黎講係遺憾 , 對學校黎講又是什麼呢.......? 是損失嗎?
我初初以為是的 , 但後來............原來真係有些人(注意:只係有些)會為自己做到Leader而想做好一個 leader , 這些跟我做leader 因果關係調轉 既人 , 容許我問一句:「如果當初你們只能成為 senior prefect , 還會好像現在那樣嗎?」
當然 , 無論案如何 = = 我都恭喜你們 , 因為你們做到了麻~~~kakakakaka @@

慶幸的是 , 能跟現在第四組的成員一起謀事呢~~~這是千真萬確的 , 我好榮幸做到第四組既 senior prefect
(快點留言吧~~~比我暢所欲言都好)

第二大事:

小弟升中六了 = =v (而且係maths group)
這是大部分中學生的短期目標吧 , 二百餘個只能淨下六十多個 , 無奈基督教學校都要承受呢個適者生存既洗禮
講起升中六 , 離不開的就是會考 , 會考係普遍香港公民都有既成績表 , 顯示每個人係求學時期既成果 , 意義極大是無可厚非的 , 什麼求學不是求分數等是吹水的 =3= 千其唔好信 , 唔係大把苦受
會考係幾好玩既考驗 @~@ 涉及好多範疇~~~呢度唔講咁多啦 , 主要係無止竟咁K書同埋做pastpaper啦 = = 都咪話唔辛苦 , 同時由於因為生活只有K書 , 人生好似簡單左好多.......訓教 , 食野 , 溫書 , 又訓教 , 再食野 , K書 , 訓教 , 食野 , K書 , 訓教............所以令小弟升左中六有點吃不消 XD
話雖說升到中六 , 晉升姿態卻是有點難看的 = = 初初以為自己有22-24分 , 至少 maths Amaths 都要 A 啦~~~點知得果 21 分 , 真係好鬼死吹脹 , Bio U左 , 英文E左 (好險) , 其他.......唉~~~血本無歸 , 一條A都拎唔到 , 簡直係人生第二大打擊 ( 第一大您地都估到吧 = = ) 為什麼自出娘胎最嚴重的兩次打擊要我在四十天內承受呢 = = 真是的
畢竟都升到了 , 可以比番個中六自己 hea 番年~~~ , 對於升唔到既同學 , 希望您地唔好氣餒啦 , 您地當中有好多都係我既好朋友 , 無論您地有冇努力過 , 以後都要努力丫! 唔好忘記對方 , 大個左互相關照~~~
當然 , 有好多同學我係唔明點解佢地升到的 =0= 同時亦都有好多人唔明點解佢地會升唔到............前者恭喜您們吧~~~我地做多兩年同學~~~後者唔好灰心 , 至少還有小弟認為您們是有實力的~~~

眾果必有因

話時話會考果陣好開心嫁~~~好少可會做完一份卷盤算自己錯係邊D地方
(大家知道嗎 = = 通常考試考得差會盤算自己岩D乜去predict個分 , 做得好就會盤算自己錯D乜去 predict個分)
仲有就係每科考完個個人都係即係打比自己D friend 去討論@@~~~雖然好多機構都唔建議試後討論 , 不過呢個情況令人幾開心呢 =w=
係樓下自修室煲 chem 既日子 ~ 係廣福白普理做pastpaper既日子 ~ 仲有係柏傑18座玩大富翁既日子 ~~~當諗番誰跟您挨過這段時光 , 您就會知誰是可以跟您「共患難」的人了 ^_^ 雖然是重覆的溫習 , 卻好像回歸小時候簡簡單單的日子呢~~~kaka , 很不錯的回憶

第三大事:

終於同通通同柏傑分開唔同學校了 T__T
小弟係好重友情既人 = = 曾多次因為朋友同小白爭執
通通 同 柏傑都係我中學時期既好友 , 呢五年對住佢地比起對自己家人既時間仲多 = =
我地都係係升中一暑假個「英語咸接課」程識的 , 未正式開學已經一齊玩 =0= 唔似其他開學後幾個月先組織好圈子既同學 , 如果我地係果個課程唔係一齊坐唔知又會唔會好似而家咁呢@@?
仲有就係我地一齊做童軍啦 , 正確D黎講係比佢地兩個拉入的 , 估唔到做落感情深厚咁多~~~因為學校童軍比較人丁單薄吧~~~
直至中三我地都係糖痴豆咁的 =0= , 上堂一齊~食飯一齊~放學一齊~做project又一齊~返童軍又一齊~露營一齊~行山一齊~上course又一齊~service又一齊~
( 點解我地當初唔改番個名呢@@? )
就算中四分班 , 好多場合都一齊浦頭的~~~study leave 都係一齊溫書(玩) 的
不過今年九月我地就打散左呢 =口=|||通通係第二間學校repeat , 柏傑去 ive + 狂秘撈
少了很多時間見面呢~~~><~~~

天下無不散之延席

另外就是我地都變了呢 =0= 尤其是我拍左拖~~~
有生之年還有多少機會同時在學校上立足呢
現在的初中學弟當中 , 有人有我們的影子嗎@@?

以下不太分先後 @@~

第四大事:

跟小白拍拖一周年了@@~
一年日子長定短呢@@? 發生左巧多野~~~當然呢度唔方便講 =w=

第五大事:

做左 Drama Club 主席
一直以來的兩大慾望:Prefect Leader及 Drama Club 主席  , 這都不是對權力的嚮往 , 兩者都是初中已定下的目標了 , 就算做唔到我都唔會掠其他主席黎做@~@ , 純粹想承擔
而家兩者只得後者達成得到呢~~~
記得當時知道自己可以帶領Drama Club 滿心歡喜的 , 而家@@.......唔算做得好好 , 但都唔係差 , 好多謝為drama club付出過的同學@@~~~您們都不是棋子 , 而是與我一起謀事的好手足 ^^ , 以後三個月會是最忙的啊~~~一起加油吧 = =

第六大事:

同小白周圍去@~@
尤其係暑假其間~~~認識香港多左好多~~~雖然唔係好大件事 , 不過佔左05年好大部分既記憶 , 當然又唔會詳細講啦@@

第七大事:

Chem Chan 退休 =0=
您可能會破口大罵:唔係掛 , 咁都算!?
我覺得算~~~kakaka~~~我 CHEM唔係叻 , 都知chem chan係理科中數一數二既好老師 (文sir同鄺sir太好人啦 , 唔夠強硬)
佢潛水既影響有幾大 , 幾個月後就會知道 = = 當然 , 我個人都唔希望會影響好大啦
您試下打三國誌一開始用劉備炒左關羽~~~睇下有幾吃力@@
傲慢點說@@~佢潛左係教育界既一大損失

係咁多啦~~~如果有人睇晒~~~我好多謝您^^~~~