今日開學 = =
而且好耐冇打日記............撈埋一齊講吧
講多次 =.= 今日開學
便服出門 , 看到各個著校服既學生 , 真係好羨慕
有D係火車站等朋友 , 有D校服新到變態 , 樓下等校車又係幾大條長龍
這是九月的氣味 , (以前)充滿憧憬的氣味
是啊 , 不再屬於我了 ,
在學校和朋友一起胡鬧的日子 , 同 members 企係大門吹水既日子 , 與小白建立愛既日子
少了套校服 , 真係爭好遠
雖然我而家先打 = = 但係其實早就有咁既感慨~~~
啊~~~~仲有冷衫果陣味!
一去不復返
唔講太遠 , 唔使講 , 冇hall住既我實係火車返學
只係不是大埔墟站落車而已 (也不是大學站...)
有一個好怪既感覺~~~以前係太和至大埔墟之間好多弟弟妹妹係側邊
而家佢地落晒車之後 , 我竟然係全車卡最年輕的 =0=|||
嗯 , 紅磡落車 , 行去poly既果條天橋 , 每行一次 , 就諗起「尋找他鄉的世界出發」既肥堅所講 , 空氣好清新............
嗯 , 入錯左班房 , 旁邊好似係 year2/3 的 , 提點了我.......=.=
嗯 , 入岩了 , 再入左位阿叔(?)
冇錯! 佢就係傳說中既教授啦!
呢個唔係重點! 重點係佢好似文sir!
至於邊度似我就唔講啦@@........係咪個個讀maths都係咁既呢.......
好 , 第一堂係IT , 兩小時!
喪悶 , 訓左
Then去開學禮 , 賽馬會樓 , 有一個好大既hall (馬會咁Q多錢就加下人工啦 = =凸)
全程又係英文 , 其他人會聽到笑 , 我唔知佢地笑乜 =.= 灰 , 唯有跟住笑 @0@!
學生會主席致詞 , 好kai@@
然後又係sell野 , 煩~~~
lunch , 同幾個同學去「都can」 , 食湯麵 , 個執野嬸嬸倒斜左!!! 隊落我度..........
如此者 , 我今日全日都有湯麵既香味
下午.......三小時教書.......
喪悶 , 訓左 =.= 見字者唔好學我............
第一天返學 , 沒怎的 , 果然係有去ocamp的熟埋一堆 , 我都識左幾個好同學 @@ (我有去的哦) , 得閒係度介紹下
然後係HD升 degree 的 一堆
傍晚~~~同小白去x貼大王食飯 , 食極都咁好食 , 雖然有D污糟
當然吹下今日所見所聞啦
then 送佢去大中同人食飯 , 我去左扭蛋 =.=
夜晚返工 , 今日 free~~ 4.25小時~~
重點係 , 竟然比我搵返把遮
唔知點解 , 果陣時好憤怒 = = 係邊條陷家產偷左把遮 , 終於水落石出了
係凝視把遮4.77秒之後 , 我拎起佢 , 走出去打比小白
先知原來事實係非常爆的
琴日辦公室既同事執房 , 拎返所有入面既遮出黎 , 插返入遮架 , 當中包括我唔見果把
..............................
ok~~~失而復得感覺應該係好好的
但係點解我好似好唔鋸呢 , 我以下就陳述幾個事實
1. 幾乎100%跟本冇人拎左我把遮返屋企
2. 清潔阿嬸話唔會郁D遮 , 實係比人拎左去用 , 仲叫我去拎人地果D
3. 我打去office報失 , office同事竟然話見唔到
4. ok , 我照報失 , 咁你地發現左 , 係咪好應該通知我先? 冇 , 把野偶左係高高在上既 office 超過一季 , 根本唔打算處理 , 包括我既報失同埋我把失遮
5. 咁而家搬番出黎算點? 人地唔記得帶走 , 當初比你地拎晒入 office (仲要話冇發現), 而家插返出黎 , 動機何在? 係咪 office 想係雨季留幾把係度方便隨時拎出黎用呀 , 而家雨季過左就「物歸原主」呀?
唔 , 返工咁耐 , 我冇乜係日記打過關於馬會既野 , 我而家即管略說一二
首先係~~~星期六係好忙的 =.=! 做到氣咳~~~
不過其他日子唔好得好多 , 因為我個center 實在少人 , 閒日咪少D同事返囉 , 結果 weekday 又係做死
呢份工好處基本上只有兩個 , 一係人工高 , 二係唔使你出汗 ,
想係度學到野 , 恐怕好難
仲有就係 , 佢地既更表係超超超衰的 , 我地4個鐘有一個break , 返夠8個鐘有兩個
我返左幾十日 , 只係返過一次八個鐘 , 其他呢? 七個鐘啦 , 七個鐘三個字啦 , 七個鐘半啦 , 七個鐘九個字都敢比
即係點~? 返7.75hours 得一個 break囉 ,
更囉命既係 = = 我地center奉旨一返工即 break 的 , 即係話 , 你一返工 , 去食飯啦 , 食完同我直踩七個鐘 , 冇得抖!
放 01:00am 有$60津貼 , 放04:00am 有 $100津貼 , 然後佢會叫你放 00:15 , 00:45 , 03:00............
當然 , 仲有好多痴線 , 狂爆粗既客人 , 呢D唔講啦 , 遇到只怪自己唔好彩 , 老實講 , 份糧咁厚 , 有一半都係因為比人問候先有的
另外升職制度........家家有本難唸的經 , 唉 =.= 靚女升office , 呢D咪現實囉 , 熟組長升組長 , 呢D咪現實囉
咪以為「香港賽馬會是非牟利機構 , 所有收益均捐贈慈善機關」就以為佢好大量 , 實呈又係好少器 =.= 你會賭波 , 睇下個賠率就知
上面果D都算 , 話晒只會令自己辛苦D , 逗得人地份糧 , 辛苦預左的 , 所以我冇乜所謂 , 只係比大家參考一下~~~
最惡頂係咩呢? 我覺得係有一大堆腐化既同事
具體D講 , 好似上面 office 果D同事咁 , 跟本冇認真處理其他同事既事 , 又好似果D清潔阿嬸咁 , 個個偷人遮咁要遮架托柒啦 , 放係度比你偷咩 , 點解堂堂大機構既員工可以下流到咁? 可以自私到咁?
再講多D , 我地規定每六人只可一人去廁所 , 如是者 , 您來參觀的話會見到每六座位總會有一個吉的 = = 佢地去晒邊呢? 就係去左飲蒸餾水果度一齊睇電視 , 睇夠十分鐘囉 , 咪返去囉 , 離譜D既 , 係D沙發上面訓教 , 訓過龍的不計其數 =_=
當然 , 我話就話一大堆 , 又未至於過半既 , 做落左 , 你就會發覺飲水間來來去去都係果幾個面孔 , 你每次休息 , 都好有可能見到佢地係度睇電視 , 做組長的 , 以為D人尿頻
更吹脤既係 , 「投訢」可說是呢行的行刑台 , 怎料的 , 那些親愛的員工 , 是很喜歡投訢自己公司的
「下 , 冇晒熱水? 投訢呀」(咪就係因為成個飲水間D水比你飲晒囉.......)
「冷氣好凍呀 , 投訢呀」
「你同我講冇用嫁 , 我係你就落去 office 同佢地嘈過」
唉 , 講完 , 唔知點同呢篇日記收尾 =___=
最後多謝小白幾日前買番一把一模一樣既遮(對不起) , 同埋閃閃幫我留意D遮有冇返貨
講多次 @@ 今日開學
|
