小弟住hall了! 有高興有唔高興的

因為咁呢排忙到飛起 (唔太關事吧?)

總之就霹靂累啦~~~

略記一下近況

1. 住hall後兩天同小白行宜家家私 , 見到任賢齊!!! , 好開心@@~果陣太夜冇乜人認到佢~~~如果唔係小白話我知 , 我都認唔出 (佢係到揀緊傢私)

2.識左唔少人 , 主要係同房的 kane 同 子奇 ~~~~廷好相處的 , 等我教壞你地吧~~~呵呵 , 有機會 post 上宿舍內相 , 環境不是很好.......

3.玩 travian 玩到傻傻地 =.= 見字者有興趣同我一齊玩啦~~~~去個網站看一看也好.......www.travian.hk , 都唔知係我玩佢定佢玩我 =.=

4. 琴晚 high table dinner , 有點寂寞的說 , 跟內地生吹水~~~(本地的 year1都去做helper了)

5.上周未去左旅協既越野挑戰營 , 好累好累好累 =.= 因為我的包包很重.......行到了全香港最高的地方!!!大帽山山頂!!! 好興奮@@!       然後踩落大埔.........=.= 換句話說 , 如果您住大埔的話 , 我而家係識得徒步由你屋企登上大帽山的 , 您有興趣的話 , 我可以帶您去.......

呀~~~好多功課呀 =.= 打住咁多先啦~~~有緣再見~~~

您地既日記我有 keep 住睇的! (有時有點馬虎 @_@)

15號 , 小弟一位好朋友 , Mandy , 走了

到澳大利亞求學問! (在世界中心呼喚愛!)

好巴閉地 , 通傑我都送佢機! 勁 , 仲有小白 seal

唔知佢有冇當我好朋友啦~~~不過我當她是的 , 唔計小白佢應該是最有交情的女性了

最難忘的是中六作為 drama club 的時候 , 她跟小白真的幫了我很多很多 , 尤如左右手

好多時我好迷茫咁 hea 既時候 = = 佢地(同東東)都會主動幫我做野 (慚愧...)

就在這裡跟您們多說一聲謝謝! 我覺得我係好有福氣 ^_^

沒有怎麼離愁別緒的 , 大概因為覺得很快會再見

很期待這一天 , 卻不希望這一天到來 , 好矛盾

因為下次見到佢已經唔係 year 1 的學生了 = _ = 時間過得快到你好想爆粗

當諗到已經唔可以一齊上堂 , 一齊做中學果D低Bproject , 一齊食完lunch係3D班房吹水 , 一齊練戲練到好夜 , 一齊去露營

每每諗到呢D , 已經是歷史 , 連照片也沒有 , 只埋在心裡的片段

都會好失落

(另一方面不斷搵機會去玩.......=0=)

生離並不新鮮 , 上年雪儀閃了 , 上個月舜閃了

有時我有個奇怪想法 ,

您的朋友走 , 是他們選擇的

為了求更好的出路而放棄留在香港的所有

我們作為被放棄的 , 為什麼有人會這麼捨不得呢?
(應該嬲佢才是 = =!)

不過啊 =.= 放心 , 小弟冇嬲任何人

他們押下去的 , 不只金錢 , 不只時間 , 還有所有放下的情誼

其實是很難受 , 很大壓力的 , 我估

希望不會有 , 題為「死別」的日記..............................

說點近期點的 , 剛去完了旅協的原始營

好累 , 好玩

雖說是普通的一次行山露營

不過回想起讀大學快兩個月了 , 終於有機會跟不同系的人玩下

好開心

望前點 , sem2 也快來了~~~

希望我地都有快樂既 year 1 啦!

(代價係.......聽日個 IT test ....... 死定了 =.=)

聽晚同小白食番廣福村既雲吞河 , 正呀

..............................

有幾多人 delete　左呢個日記　＝　＝？

嗯 = = ∼∼∼算了 , 當係打比自己睇

通常好耐冇打日記之後 , 都有差唔多的對白

「好忙............」

「呢排發生左好多野」

我都係咁啦 , 其實 keep 住忙 , keep 住發生咁多野

你就會自然將價值線拉高嫁啦 @@

換句話講是人大了吧......

不過都打少少近排發生乜野啦~

首先係前日同小白睇<<色戒>> , 唔知點解我覺得麻麻地 =_=~~~
可能睇果陣我太累 , or 可能我一直覺得梁潮偉係第一主角啦
同埋高潮黎得幾突然~~~提提大家 , 片長 160 分鐘的哦

同小白去halloween , 第一日就去
勁少人 , 好正
不過冇上年咁好玩 , 少左好多心慌慌地帶
鬼屋又kai , 尤其係兒童王國同滑浪飛船果個.......
今年好少女鬼@@.......
早知睇熊貓先啦! 咁鬼怏玩完D鬼屋 (勁少人 , 唔係好使排隊)

近排苦讀 c++ , 好難 , 是一個電腦程式
唔明點解工程系要人一個sem 學三科電腦 , 灰

不得不提的事恭喜朗做左HP = =!!!
真高興丫~~~第四元素年年出勁人~~~
上年 panda 做 senior , 今年 朗做HP
下年出多個女HP 先~~~呵
cat 做了 senior 呢 =3= 唔好灰心 , 這是鄭sir 的問題!
garris 劈炮添 , 勁型@@~~~
做得岩唔岩? 放左榜就知啦~~~

至於大學的生活麻............整體來說是很累
返 8:30 放 6:30 , 殺人似的
課程不太深 , 只是自己懶吧了........
說來勤力的同學倒辛苦 , 住遠點的 , 返到屋企都九點了
沖埋涼食埋飯仲要溫書? 聽朝返 8:30 喎大佬............
我仲要打機 , 仲要同小白傾電話呢

大學五件事
讀書，住Hall，上莊，秘撈，拍拖
只做了兩樣............
秘撈 , 拍拖 ..........

近來好多好朋友都飛走了
這一點明天再打吧

呢排冇乜點同 members chat ...........因為返到屋企都已經很累了~
只好看您們的日記知近況
好多都升上中六 , 好似睇返以前既自己咁

往往都覺得以前既自己好幼稚 , 這次亦是
計呢樣爭果樣 , 欲何之?
中六的你們啊 = = 趁而家好好做你地而家想做既野............
alevel 係重要 , 做 prefect 係重要 , 玩學會亦都係重要....
覺得開心的就去做吧
一定值得 , 畢生不悔

天一堂 , 地一堂 , 中間是用黎 hea 的

呢兩星期就是不停的天地堂 , 害我在poly睇左好幾套戲

因為 week4 先開始忙 @_@

九月開始 , 就冇見過D好朋友 , 嗚嗚 =3=

不過奇怪的是 , 成日好耐冇見都冇乜驚生疏 =0= 因為太熟了?

當然 , 見小白也見得好少 , 度日如年啊............

大學生活並沒我想像中的開心 , 至少暫時是

其中主要既原因~~~我諗係讀唔到我最擅長既 topics , 反而係我最討厭的physics分類 , electricity!

正在努力去喜歡現在的生活...........

說點別的~~~小弟的好拍擋-----電腦 突然係星期二暴斃 , 之後仲有浸loan味 = = 好明顯係有D野燒左

在心情極低落之際 , 召換了上一代的拍擋-----用了九年的舊電腦 頂住擋 , hi~好耐冇見

正所謂家有一老 , 如有一寶 , 我家有一位這麼老的腦 , 實在是珍寶

威力大至連爸爸玩佢一陣 , 都抵受唔住佢既功力 , 「嘩 , 頂佢唔順 , 不如買過部啦」

買過部 = =? 我想拎部第二代去把下脈喎

好彩小白二姐幫我問左人 , 按跡象顯示只係火牛燒左 , 唔係比人撿查

火牛+安裝 , $320 , 復活啦!

幫電腦做完 CPR 之後 (定係器官移植呢.......) , 就去左第四元素組聚 , 算是幫舜 farewell

說來勵害 , 因為今晚是 cat 號召的 (本身我攪星期二 lunch......被取消 = =|||)

panda 冇黎 =n=

今夜後 , 沒什麼機會見到舜的了~~~

識左七年的朋友 , 初中唔同班的 , 因為童軍同隊 @@ 所以玩埋了

然後是中四prefect同組 , 中六prefect也同組 (當然同班啦.......) , drama club 副主席@@~

哈哈~~~幾有緣 , 所以同佢一定有話題

最難忙的是@@~~~佢成日好好人咁借左多野比我 , 好耐之後先還番比佢

同埋 , 佢家門的狗

這麼快就到這時刻了啊............(有野唔記得還嗎 = =?)

很高興認識您! 保重啊!

星期三執屋 , dum 左好多野 , 真係好多好多野 , 講多次 , 真係好多

甚至我收埋左好耐既生日禮物 , 都 dum 左不少 (不過你黎得呢度你果份一定未)

仲有我部 discman , playstation , gameboy............同埋好多睇個睇既漫畫

回憶歸回憶 , 這麼阻位的回憶 , 都要清理一下的了@@

只淨下真的很重要的~~~

執執下見到我D班相 , 慨嘆 , 尤其是5E那張

上面的人 , 有多少如他們所願平步青雲呢 ? 走了的走了 , 留級的留級

不要被「精英班」這詞所蒙蔽 =_= 物競天擇是全世界一起的

一不留神就...............

食完飯 , 帶左班 members 去機鋪打機 =w= (我是第一個咁做嗎.......?)

篤篤機好玩 @~@ 可以一齊玩

仲有玩賽車 , 又係我贏@@.......(唔記得讓佢地.......)

有時候打機贏左連我自己都有D驚 /___\ (詳情請看 2007年1 月17日 的日記)

打完走 , 成浸煙味

在想: 會唔會唔係咁好呢 =.=?

因為 , 已經唔係第一次比人地父母投訴的了 = =|||

唔好比您地父母發現呀 >0< !!!

今日冇乜堂上........淨係上左堂通識

本來唔係好想去~~~因為上兩個鐘又返屋企 =.=

點知原來物超所值

我讀果科叫「china study」 , 冇得揀既選擇 = = 時間表太 full了

誰不知課程令我非常感動 , 好多女仔仲係其次 , 個阿sir 係用中文教書的!!!

正呀!

教D乜呢~~~亦係重點 , 任 sir 成日話「如果唔使我教 physics , 我一定教中化 , 大把野我講」

他的夢在我面前實現了 = =!!!

教果位阿sir好熱情@@ , 雖然係文科出生但係觀點態度都同任sir好似

好似重重生生咁學多次中化咁 , 而今次係學得好開心的~~~(miss碌 教得.......頗悶)

最叫絕既就係 , 個阿sir講講下仲會激動到喊呀! 仲係兩次添! (其實果陣氣氛好慘淡)

真係不枉此行 , 不枉我揀呢科 @@