好對唔住...

我知我最近係有D煩...

但係情況唔會再係咁...

你話比我知...我應唔應該放棄你...?

我知道要令一個完全對我冇感覺既人突然鍾意我係冇可能...

我明白無論我送幾多心意比你...講幾多次我愛你都好...

我係你心目中既地位始終都冇提升...

要你接受我更加冇可能...

好多人都叫我放棄你...

但係我仍然堅持落去...

因為我好鍾意你...同埋我深信我既行動能夠打動你...

不過睇黎...呢個只係我自己一廂情願既想法...

我每日都係度自我淘醉...我做D野你就會可以同我一齊...

每日都幻想同你一齊可以做咩...

口中成日都出現你既名...

即使你心入面個個唔係我...即使你有男朋友...

我都仍然對你唔死心...成日都煩你...

一諗到呢度就覺得自己好無恥...

即使可以鼓起勇氣親口同你講我愛你...都冇勇氣去接受你可唔可以同我一齊既答案...

因為知道答覆只有一個...仲有我好怕輸...

我知道我為你付出既唔夠多...

都太少可以為你付出既機會...

你心入面仲有佢...

我對你既了解唔多...

我既性格唔符合你理想既要求...

呢D都係你接受唔到我既原因...

所有所有都叫我放棄你...都話比我聽我同你冇可能...

但係我心入面有一把聲叫我堅持落去...叫我唔好放手...

可能係我唔衰得既心態...可能係我真係太鍾意你...

呢個進退兩難既局面令我完全唔知點做...

話比我聽...我可以點做...?