唉...都唔知有幾耐冇打過日記了._."忽然之間有心機打返...都唔知發左咩神經...
(其實係有人問我囉blog我先打返...在此不多說)
打返今日d野先...e排日日都7點8左右返到學,係咪傻左呢??呵呵~之後...開始勤力而忙碌的一天...
今日第一堂係中文...一如往常,係咁聽書...狂抄notes...
之後第二堂係eng...miss講既野大半都明啦...listening係我既強項,唔多有大問題._."
第三,四堂都係bio,好happy,陳sir教書教得好生動@w@"成日都加插d gap落去帶動氣氛@w@"
所以上得好輕鬆@w@"
第五,六堂...maths堂...全日最恐怖既一堂...個東叔...教書教到悶到嘔白泡...狂係度教loglogindexindex...
教又係咁係咁係咁重複d理論果d野...講到d人頭暈暈(雖然我一早明左...)簡直係...人間地獄呀...
好難咁先熬到去最後三堂....上chem....好彩我頂得順...冇訓到...有幾個訓著左俾人拍枱@w@"
嚇死佢地~呵呵呵~我又係狂係度聽老師教書...扮個乖學生......
終於放學啦~同成班友去踢波~一開始得4個...之後愈來愈多...去到成9個,分兩組4打4半場...玩3分賭汽水@w@"
一開始我果隊2比0領先...之後俾人追到2比2...最後黃金既一個俾我射入左@w@"呵呵~咁就俾我地隊嬴左汽水一人一枝了~
之後累到軟哂...返屋企...沖涼食飯打機溫書做功課樣樣齊@w@"
係咁... | 
