今日係星期日.....

今日2點幾去左睇戲劇.....十一月買票都差不多無位啦~~

就係睇由詹瑞文主演既"萬千師奶賀台慶"啦~~

內容都係圍繞40年來師奶既轉變.....勁好笑~~笑到我肚都痛呀~~

(相簿有相睇呀~) 睇左3個幾鐘之後...就係去左要提早3個月book 定o既洲際

酒店食buffet 啦~~ 哈哈...好多朋友都話勁貴,唔捨得食......

但係我覺得一生人點都要試下嘛~~so......

唔....總括來講都唔差...唔怪得要成$6xx 一個人, 加一之後要$700左右呀~

哈哈....係咪好貴呀? 但係佢d海鮮都好新鮮~~係不停供應呀~~(真係無停過呀)

食物款式都唔差呀~~ 而且仲有好大o既無敵維港海景~~都好romantic o架~~

會唔會有下次?? 唔...我諗十年後啦~~哈哈....點解??!! 唔關食物事呀~~

只係......因為我都唔係太喜歡食buffet 呀~因為覺得好...放縱自己呀~~

所以久不久才一次就可以接受~~       "^_^"

今天玩得盡興, 食得盡興~~ 難忘的一天~~

哈哈.....終於可以online啦~之前部腦死左....@@"

明日就係我公司既ａｎｎｕａｌ　ｄｉｎｎｅｒ啦∼∼

希望玩得開心啦∼∼∼

哈哈．．．今日我地會計部做番個統計．．．

睇下每個人全年度遲到左幾多∼∼我今年全年度遲到左３分鐘∼仲要ｏ係１２月先遲∼∼

就係呢３分鐘．．．咁就無左勤工獎啦∼∼∼哈哈∼∼∼

不過，　我在呢間公司做左約９個月．．．已經加左兩次人工．．．

所以現在我都好滿意啦∼∼∼老板對我都幾好∼＾＿＾∼

嘻∼∼謝謝各位對我既包容．．．指導∼∼！

嘻~今日好開心呀~~

因為今日我買左一隻錶, 而它.....並非係一隻好貴重既錶~~

但係佢既外貎......設計......色彩吸引左我~~

我一見到它, 就愛上它啦~~ 而我聽到佢同我講"你買我啦~~你買我啦~~"

哈哈.......我又點好意思推佢呢~~so........佢現在係我架啦~~

嘩哈哈......隻錶超大隻....直徑已經有2"大啦~~不過真係好喜歡~~

(相簿有相睇呀!!)   我好怕我會開始鐘意儲錶呀~~~

今日搭地鐵回家o個陣, 我身邊有個男仔講緊電話, 而我聽到佢既對話就係:

『你無野想同我講呀??.................禁你打來做咩呀??...................

點呀??..........禁唔好浪費分鐘又無野講啦!!............你無d有關公司既

野想同我講咩??』

以上既對話, 你地會覺得係對住一個咩人講呢~~我就覺得係女朋友啦~~

而以上既對話, 突然令我想起.......係咪每對拍左拖有一段較長時間既男女朋友,

都會覺得開始無話題, 但係又鐘意拿住電話不放呢?!

我真的不明白, 拍到沒有話題....那兩人既結果會係點樣既呢?

怎樣o既愛情才會長久, 不討厭呢?? 怎樣才能把愛情既新鮮期保存好呢?

唉~~~呢樣係一生既學問~~

今日收工無心機加班...所以七點十分唔夠已經回到黃大仙囉~~

今晚好想好好享受D時間~~以前...時間多到發呆~ 現在....時間好寶貴呀~

RELAX.....RELAX.......RELAX...............RELAX 是我現在最想做的事~

仲有.....去旅行~~