玩到電腦呢幾日...我都冇打日記...實在太懶啦!!!=.=
琴日我o係網上面睇直播___世界盃----德國對阿根廷....
開頭上半場好悶...一粒波都冇入到...下半場就阿根廷入先...之後德國黎一球...暫時1:1
下半場完左大家都仲係打平...之後就要加時15分鐘....上半場補時仲係冇波入...
下半場又加時15分鐘...仍然1:1
之後就要大家要黎個12碼...邊隊入得多就邊隊打入4強...
開始12碼之前...果到講波一個人講話德國12碼好小會射失...
o...今次呢個阿根廷慘囉!!!
12碼一開始德國入左一球...之後阿根廷又入...姐係2:2
and than德國又入多一球...阿根廷好似開始唔得咁...咁依家就係3:2
之後好似德國入埋果球就已經嬴左...4:2打入4強
超!!阿根廷個龍門本來好鬼勁架!!!之後唔知咩時間德國整傷之前個龍門...換個唔掂ge入黎...
搞到輸左...雖然我唔係咁中意阿根廷...不過登阿根廷好唔抵...
睇番下...其實阿根廷真係幾勁架!!我家姐都話佢地腳法好!!!
不過我始終都係中意我個英格蘭多d姐!!!>3<
今場都好精彩!!不過今晚英格蘭對葡萄牙仲好睇呀!!!今晚一定要睇....
我ge英格蘭呀!!唔好輸呀...今次食粥食飯靠你啦!!!^^
＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
考完個靚試依家放4日假...
雖然比我地休息係好好...不過4日我就覺得o係屋企就太悶lu...
日子太長啦...唉...番到7月12就唔洗番啦!!
好快呀真係...暑假又唔可以成日同你地出街...
點解我會咁慘架??!冇得同你地玩...諗番真係好想喊呀... :'(
其實我覺得f.2真係好好玩架...但係就唔知f.3有冇好似f.2咁...大家打下pat pat...
我驚我地8個遲早會散呀!!!仲慘過失戀呀...
雖然我將屋企人擺第一位...但係朋友仔真係對我幾重要架!!!
冇朋友我會死架!!!>"<
| 
