終於打番qooza喇，對上一次打blog係幾時呢??我自己都唔記得，應該都有2年無打過吧~~?

仲好記得呢，呢個帳號係我小學果陣開嫁，不知不覺中，我同一個密碼，已經用左好多年，注冊過好多既網站，論壇，幾乎全都是同一個密碼

2014年，我依家已經中4喇~，學業方面呢...唔錯啦，缺點數量唔太多，成績都中中間間，不至留班都算幾好吧

今日做過既野，同平時差唔多啦

星期二，上課天，照常上英文連堂，鐘詠祺今日發火，同ms lee 開火啊@@，如果肥言仲係我呢班既話，個場面一定好激烈

不過今次開火都夠激烈喇，我本手冊比人發癲扔落地下，個角爛左少少t.t

數學堂就得一堂，uq左喇，成績都已經收到，30分拎29分，我既感受就係，點解唔拎埋果一分...= =

姐係100% ，比起89%好睇好多，明明係差一分，個百分比就差天共地

上完數學堂之後，就要上pe堂，之前既環村跑，已經改左做9分跑，真係跑到我死下死下，最慘係個阿sir望到實= =

一日既堂，其實都無咩特別，放學之後，我留低整壁報，無辦法啦，班制比賽丫嘛t.t

同顏建恆釘左個壁紙，整左個國旗而已，天日就dead line，總之就煩啦

本來諗住同我團子老婆一齊整，可惜佢要va，咁無辦法啦，我唯有同其他同學一齊整啦...

希望天日有機會一齊整啦~~

23:55分，我就係時候要訓喇。