終於同啊媽開戰...唉

正所為冰封三尺，非一日之寒

其實我已經對啊媽容忍左好耐

太多事增加我對啊媽的不滿la,,,,

1.話就話想啊妹番學，但係就成日同佢周圍玩。根本無視我作出的努力。

2.屈我。有一次啊媽佢個支嗽口水用哂...跟住佢好嬲咁問係咪我拎左佢支嗽口水黎用...

  我話左唔係佢都唔信...係咁罵我。其實支嗽口水根本就係我啊妹用哂的。

3.無理責罵我。屋企有咩污糟左就會大大聲咁講'"啊康..!你又整污糟屋企拿!快d同我執番好哂佢!"

   係，我認我係不修邊幅，但係你都冇理由次次都話係我整污糟屋企。

4.最近電視壞左...用左一部小電視。而我平時食飯的位就岩岩好左住佢睇電視...

   而佢居然叫我坐去第二面，唔好阻住佢..咁係一個啊媽應該做的咩?!

5.好強調錢的重要性....成日同我講大個左要好好搵錢..做咩?

   養番佢地喎...

6.自己成日係到換手機...將舊左個部比我同老豆用...最近我買左個棋盤..用利是錢..

  佢就成日係到嘈我...大佬呀..我冇好似其他細路咁叫你買咩nds..psp..ps3個d已經好好

  而且捉棋明明就係好事...

7.太多太多..仲有一件慘痛回憶..就係細個個陣比啊媽用一件熱野燙到我條頸有一條紅色的疤

而今日的事就係駱駝上面的最後一根稻草...

可能你地會覺得好小事...但對我黎講就係一條導火線:

佢炒左一盤米粉...食到最後仲有少少剩

佢想舀埋比我..我已經話左唔要..但係佢仲強行舀落我個碗到...

於是我發怒了...................................

唉...無論點都好..佢都係我啊媽...唯有忍埋落去la...