尋晚我地www.imazda.net 噶一班人走去佛山世紀蓮體育館附近一條好靚噶路去跑04（汽車公路賽0-400米加速跑）同埋玩漂移啊。

先系南海千燈湖集結，之後就拉大隊過去世紀蓮，原來我地邊噶人早就有一部分過左去伽啦，現場好多人啊，不過好多都系我地車友會噶，我都系第一次參加呢D活動，聽講以前好多車隊聚集系度非法賽車伽，不過近排警察大力掃蕩，已經少左好多人啦。

現場還有不少電單車比賽呢，但系距地D人噶組織、統籌各方面都冇我地汽車噶咁好噶，好似一堆爛仔系度玩野咁。期間我地進行了多場的04比賽同漂移表演，當去到中段，現場氣氛好好噶時候，唔知邊只仆街系遠處放模擬警笛，全場立即四散逃跑。我地車友會系附近兜左幾圈，返到現場先知道原來有人玩野！頂距個肺啊！現場已經冇幾架車，都走曬啦，冇曬氣氛，唉~~~~最後我地都走人了。

呢幾日都比較忙，所以又開始少理日記啦。新廠快完工啦，以後一直都會好多野做，所以可能日記又要荒廢了。

先一兩日都去左佛山某cafe面試D Model。有個策劃界噶朋友：筒子，應某陶瓷城噶要求，爲其挑選產品Model，老實講，質素相當一般。

筒子宜家都好忙啊，策劃緊衛蘭佛山演唱會，又要策劃又要招商，女強人就系唔同！

尋日同以前噶同學傾sms，原來距已經去左江蘇做水晶生意啦，睇到自己噶同學一個個都有好發展啦，真系開心。其實自己呢排都好煩好多野做，希望以後唔好再咁多無聊野煩住曬啦，唉~~~~期待聽晚去佛山世紀蓮體育館附近噶漂移FB  （FB=Fu Bai=腐敗=外出活動或大吃大喝的活動）

呢排因為好得閒，所以搞多左呢個日記網，發覺幾日冇打日記，就開始手癢啦，想發表下自己呢排噶感想。

先幾日晚上同vicky通電，無意中聽到距教個細佬唔好穩大陸女朋友，感覺自己又開始心理不平衡了，拜托~！香港不是每個人的天堂。

清明節當日，實在太多人去掃墓啦，真系墓園仲旺過遊樂場。望住老豆幾兄弟系度掃墓，冇咩感想，反正阿爺生前我對距都真系冇咩好講，有怪莫怪，我講事實喈。宜家除左自己噶屋企人，對其他噶親戚都感情淡薄啦，唉~~~

尋日天氣好好啦，陰雨綿綿左咁多日，終於出太陽啦，實在太好。架車成只邋遢貓咁，應該要好好洗啦，哈哈~於是就系街度洗車，搞到干乾淨凈，哈哈~~晚上就同IVY去左游車河啦，好開心~~