今日行路番學,好彩冇太遲,仲食到早餐~

之後音樂堂,miss要我地全班唱哂先走得~

個個都唔係好肯唱,得tommy同個白痴仔stanford比左小小感情唱~

音樂堂用埋Maths堂d時間,仲好~

但丘sir話借左中文堂去幫我地溫測驗,我後面果個好唔妥~

佢話寧願上中文都唔想上maths,因為阿sir會經常無故咁罰佢企~我都覺!(雖然我冇乜點企過~)

VA堂,peter傻左咁攞住兩把間尺咁話要打救tim,班男仔都驚左佢~

之後dicky驚peter大叫,個個都o左咀

英文堂,派卷~考得好差呀!(雖然合格)

最勁係s得娜,八十幾分!(我冇溫書姐!)

tommy都高過我,下次真係要溫下!

不過我後面果個成績唔係咁好,收到卷之後就冇講過野~

平時佢話英文堂先應該嘈(正確d講係嘈我),今日冇出過聲~

死肥bell係咁話好驚佢~(關你鬼事咩,係你唔識靜姐)

通識統測,唔係好識做,地圖果part亂寫,後面d問答都係亂吹~訓左一陣,好正~

之後阿sir留低全班練話劇(明明唔關全班事,得班男仔同一個女仔要留)

出面d男仔一邊排,後面班人就一邊傾計~完全當佢地冇到~

番到屋企,兩隻倉鼠仔打緊交,分開左佢地,又冇事發過~