年初一.
   一起身，開電視睇，睇果套賤酷一叮囉，都冇咩好睇既，之後咪去換靚衫，扮下靚，就去左婆婆度食飯，
第一日話要食齋喎，冇咩既，不過D野食就淡左D啦！之後就同D親戚講下『恭喜發財』，之後就有利是收啦！
都幾好架！下午，D大人話去『大樹下』拜神（其實我都唔知去唔去得，因為我都算是基督徒），之後跟住D大人
去囉！好多人架都！之後見到一個盤叫做『轉運龍洗』，幾得意，話擦下盤的兩個手柄，有水會係個盤度噴出黎，
我都去玩下啦，我擦左幾下，D水真係噴出黎，好靚架，之後D大人都話我好勁，其實都唔係好勁，我妹都得啦，
係佢地唔得咋！晚上咪成家人坐埋一齊食飯囉！

年初二.
  都係好似琴日咁，開電視睇果套一叮囉，好無奈啦，之後又係過左婆婆度食飯（開年飯），唔洗食齋，好味好多啦！
D味都濃返啦！之後諗住去姑媽果度架，點知我爸又話明天先！成日都好悶咁過，好彩，晚上去左食Pizza Hut食！

年初三.
  即係今日囉，等到十一點幾，爸媽總未起身，咪同妹自己煮左個麵一齊食囉，之後佢地終於起身啦！行去搭車果時，
見到婆婆表妹佢地，之後表妹恩恩跟住我地去食野，去左元朗廣場度食日本野，好好味架，我好鍾意去食架，我食左
個燒雞串定食，好味極啦！之後行左一陣街就返左屋企啦！之後就唔知發生咩野啦（因為我唔識預知未來啦）