11/7.........我生日既大日子

朝早約左怡、思、琪、欣係M記等

齊哂人之後就行去Neway啦

點知去到未夠鐘去Klunch個時間

咁我地去左M記等啦

之後就拆禮物啦

欣送左個EEyore既波型公仔

思送左個百寶箱---冷包、貼紙、Marie杯、貼紙本、電話繩、扇、生日卡

真係多謝哂啦

之後就去左Neway唱K啦

唱完K去左睇《加菲貓2》好搞笑呀

之後去左影貼紙相啦

不過今次影得超爆勁極唔滿意囉（原因只有在場既某幾人知）

之後就散Band啦

跟住我搭車落元朗搵媽同妹

原來佢地去左KFC，好彩佢地都有買野食比我姐

之後我同妹去買野飲同薯片，重有紙碟同叉

而且媽就去拎蛋糕同買雞翼果Ｄ野

我同妹就去表妹屋企接佢去我度

之後大概七點度，個party就開始啦

生日果日真係真係超開心呀

12/7.....程既生日

經過一個無聊既散學禮之後，

我地就派成績表啦

我有少少進步啦

之後我地就準備去程個生日會啦

咁我地係大門口度等丹哥佢地啦

點知等左好耐都唔見佢地喎

咁迪就打比佢啦

打左好多次，終於知道佢地去左丹屋企喎

咁我、怡、琪、迪、程咪唔等佢地

去左程屋企先啦

我、怡、琪係程屋企換哂便服啦

之後我地唔等佢地，落左會所先

我地邊玩邊等啦

大概過左半個鐘，欣同珈都黎左啦，

而丹同佢個妹就總未出門口喎

搞到我地鬼死咁肚餓囉

兩點幾，佢地先黎到

我地先開始食野啦

跟住我地去左K房唱Ｋ囉

我同琪合唱左好多首，不過唔好聽既，卡卡

之後就睇獨家試愛啦

不過今次我冇睇到喊

反而重笑添

跟住就去食蛋糕啦

食完就玩true or dare啦

程一講起陳浩言就面紅呀

笑死哂我地咁多人

之後大概6點15就返屋企lu