今朝一早就起左身，刷牙洗面之後就換衫，換完之後見有時間就睇電視，睇左陣電視就夠鐘，我鎖好門搭電梯落樓，我行到輕鐵站，等左一陣就有615輕鐵，我就上車，到左藍地輕鐵站的時候，我行番去學校，當我一踏入校門，學校的鐘啱啱響，哈哈哈!!!第一堂係上英文堂，有三個人黎睇堂Mrs周,Mrs黃同Mr佘  ，但係我地成堂都好乖，乖到你地都唔信，第二堂係中文堂，成堂都 係到講諸葛亮、曹操、魯肅同周瑜，好鬼悶呀，第三堂係Maths堂，成堂就係到做數、做數同做數，做到我就黎顛，小息之後，就上RTL堂，呢堂真係好Free家，成堂唔洗做，我仲想Sleep，但係又想傾計，最後都係決定傾計好過Sleep，跟著又到非常悶既英文堂，佢又用佢個把聲講書，唉！我真係好想大叫‘神呀！救救我啦！’，上埋堂Computer就可以放Lunch，終於到LunchTime啦，我就番課室拿銀包，點知英姐鎖左門，佢地三個幸災樂禍，唔理我自己走左出去，得番自己一個，唯有過去樓下問人借錢啦，問左兩個之後，見到芬芬，我問佢借錢，佢就借左七蚊俾我，芬芬真係好好人，我就去左小食部買左個三文治，食食下，見到佢地三個番黎，我就當佢地透明，唔理佢地，佢地又唔理我，我真係好傷心，跟著同姚May番去課室，番到去我都係繼續唔理佢地，轉堂要去其他課室我都自己一個去，唔理佢地，到左放學，其中一個走左，淨番兩個，我同陳童就做緊Project learning的written report，陳童好努力咁系到畫畫，我就來往MMLC同課室，好累呀  ！到左四點半左右，陳童話要走先，我都俾佢走，淨番我、廖小姐同黃小姐係課室，奇怪就係冇人趕我地走，我做得七七八八的時候，突然覺得好頭暈，唔想做啦，但係又唔想俾黃小姐做，所以就想叫廖小姐幫我做，但係佢lunchtime咁對我，我就死頂就頂左一陣，我真係唔得啦，我就停一陣同休息一陣，休息的同時廖小姐問我係咪嬲左佢，個陣時我都唔知好嬲定好笑，我就答佢係，佢就問我佢點做我先唔嬲佢，我好驚呀，好少人會問我佢點做我先唔嬲佢，但我真係好開心，終於唔洗我開口叫人幫我，有人自動自覺幫我，哈哈哈，我地做到五點半既時候，吳小姐衝左上黎課室，嚇到我差D暈左，到左六點，我地四個同兩個Miss一個阿Sir一齊放學，到左藍地大街，我地見到驚人的場面＊【阿Sir以佢既驚人速度跑去追巴士】＊，我地都覺得好好笑，我系六點半番到屋企，亦都係我第一次最夜由學校番屋企！！！