勁! 勁! 勁! - ☆ALVIN→楠★ □ %@)!#!$ ■ 的日記板

2006 年 10 月 18 日星期三

勁! 勁! 勁!

分類: 未分類

尋晚哥豹約我今朝9點鐘去踢波!所以早d訓
點知....今朝8點45分先至訓醒...死得...後尾搞到9點4先去到5人
唉....雖然去左5人..但係都係果班人...仲要少少李銳晞...唉=3=

跟住,我地開始熱下身...就黎10點臭屋都未黎..真係頂佢...突然!李峻晞一射..個波飛左出去再撞到棵樹=3=
佢行番入黎話個波穿左...果d樹既刺插穿左呀!我頂...漏氣...即刻打俾臭屋...叫佢帶波

好啦...佢黎左...開始踢...踢呀踢...踢左好耐!
有一場...我個隊輸緊一粒...突然梁浩賢行左出黎,個波係我前面就大力一band直飛埋去。1分鐘之後,同樣地入球...反先2比1。
到最後,我再單刀入多粒!!反勝3比1。

又有另一場,我係後場準備拉弓大腳...俾李峻晞偷左波..........
俾佢入埋添呀...!有個阿叔經過...見到就話我:乜你咁屎波嫁...你唔可以咁踢波嫁!
我心諗...我點踢關佢屁事。後尾佢仲串咀...話自己係球王。
我問佢:比利老豆?! 李峻晞話佢識馬勒當那...佢話乜鬼麥當佬喎...kk地。
波仔同佢講:你咁勁,你黎踢囉...佢話驚嚇親我地...唔知醜=0=
李峻晞同佢講:樣樣衰衰,去食煎堆...佢話你班廢物去食啦!
我第一時間叫佢去食燒賣啦!死埋蝦餃呀!笨!去虹橋飲茶啦!
佢話係咪請佢食飯喎...=3=我超無奈
後尾我地就走...上番斜佬...又見到佢...佢係到媾緊d阿嬸呀...
soman同佢講...點呀!球王!
佢唔知乜Q事話...打你一巴好冇?
soman極之唔好老皮話佢:我打你一拳唔好..?
佢又話佢一巴可以打暈soman喎....
我同佢講..佢未出拳已經訓左係地下啦
我呸...條友都on on地嫁。