今天係我一個好朋友生日..雖然佢已經唔係我地身邊..但我地會永遠記住一起開心好玩既快樂日子..你已經冇係度5個多月..我地仍然開心地去拜你..希望你會同樣開心地保佑我們..

今天約左4點係紅磡火車站等..但我好早就起左身..之後約左yoko去唱 K  LUNCH...12 點係9龍城Neway等..之後去到話可以唱到4點..但我..yoko..傑仔..已經係3點40分走左去搭巴士去火車站..去到見到哥哥同埋佢既Fd星星..Ivy..肥家達..再要等埋tel姐..之後就行去拜亞恩..好快就拜完..之後去左食野..

食飽後..我話要去見工..佢地又話要陪我去..咁就一齊去左..佢地係附近煲煙..我就入去見..用左好耐時間見..但最尾都聘用左我..係29號番工..見完就去左睇戲..點知去到ua..紅十字會係度擺擋搵人捐血..仲捐血有飛送..之後傑仔話要捐血..咁佢就去左捐..我.yoko.Ivy.肥家達就落左去煲煙..煲完過左m記..yoko買左個餐俾傑仔..之後番左ua睇<嚟多件衰鬼上帝>..好好笑..好好睇..又有d嚇人場面..正..睇完就落左出口煲煙..煲完Ivy.肥家達就搭車番屋企..

我..yoko.傑仔..就去左附近行左一陣..之後就一齊搭5C番屋企..咁樣就過左一日了..

今天訓到4點幾起左身..玩左陣電腦..之後去左沖涼..沖完涼就同左媽媽去美食展..

去到灣仔附近..要兜左好多路先可以入到去買飛..真係煩..超多人丫..行左勁耐丫..

入到去..就開始今天既購物戰..買左大斑冰皮燕窩月餅..開頭諗住買美心架..因為係Kelly做代言..但係佢冇一盒係全部燕窩月餅..so..去左大斑買..之後行行o下..見到有義美蛋糕專門店係到擺攤位..就走左去買兩條大盒裝既蛋糕..買左朱古力味&芝士味..超抵丫..85蚊..正丫..超好食..再行行o下..去埋榮華買左一盒雙黃白蓮蓉月餅..又買左一盒蛋卷三包臘腸同埋兩樽xo醬..買左370幾..仲有得抽獎tim..每100蚊可抽一次..抽左3次..抽左兩罐龜0膏一包真空鹽花生..抵丫..又行左去買農心石鍋拉麵一大箱同埋40蚊10個既撈麵..又買左洋蔥圈&蝦條各一包..又買左一大包天厨即食海苔..只需要40蚊咋..又買左念慈菴川貝枇杷膏一大樽仲送樽細既..哈哈..最後行埋去買枸杞鮮汁..30蚊6樽..買完就拎住幾大袋戰利品搭船過尖咀..再搭5C番HOME..係搭5C巴士時..見到今年新晉男歌手OSCAR..佢係鳳凰新村落車..好高大靚仔..哈哈...之後就開開心心回家了....咁就一日了

29-7-2007

今日班fd約左我去bbq..今次係獅子山燒野食..係7點約左係黃大仙買料..買完後搭的上去lu..今次買左好多野食呀..正到爆丫..有我最愛吃既雞扒..牛扒..金菇..蟹子丸..長仔..雞翼..仲有其他丸..好多好多..又買左好多飲品..我地今次好好玩..每人都係70幾蚊..有得食有得笑..哈哈..今次有我..ivy..yoyo袁..衰人..譚生..fucking..我地6個有講有笑..本來moon話黎架..最未佢掛住溝仔冇黎..講左好多好笑既野..哈哈..笑爆呀..玩到差唔多12點走人..然後6條友行落去黃大仙搭車..咁就各有各回家..我同ivy一齊番home..番到home..又睇埋d戲先訓..咁就一日了..

30-7-2007

全日在家養身..訓覺..睇戲..做面部護理..同埋上網搵工..咁就一日了..

31-7-2007

今日就將琴日搵到既工..出街面試..見左幾份..有d就唔係咁岩心水..冇見到..有d就普通..最尾有一兩份ok..再到時先算lu..之後約埋moon去左尖沙咀行左陣街..行完就各自回家了..咁就一日了

下午1:30訓醒之後唔知點解又走左去開電腦玩..反而唔係上網搵工..都傻傻地架我..掛住玩..又無理之後既活動..點知收到d電話打黎崔啦(2:30pm)..又玩下個電腦..過鬼哂d時間..又打黎崔啦..即刻飛身去沖涼..搞le搞lo(5點pm)衝出門口..落去搭小巴..點知等左勁耐呀..上左車即刻睇下班fd係咩位置..就約係銅鑼灣崇光門口等.到了.見到Tracy同江韻..咁就行去街市買今晚係石澳BBQ既野食..咁之後見有時間就搭丁丁去筲箕灣..點知搭丁丁係一件超正既事..可以由有多餘時間變為最遲最尾最冇時間既人..哈哈..真係搞笑..落車去左惠康搵埋d朋友仔..之後就搭小巴去石澳lu..去到之後勁無奈要打俾個fd(星星)問佢有冇多餘位..佢話要同人租喎..就同左我地去問人租個BBQ位..要$100丫..真貴.搵到位坐下來了..又突然間發生左好多事..人都唔知點架..煩丫..個天又下起一場過雲雨..真係搞笑..到最後用左超多時間先可以順利地開餐..真煩..其間有雞同鴨講..玩到11:30左右..兩隻雞同四隻鴨搭小巴出番筲箕灣再轉MTR回家了..就係咁雞同鴨講地食&呆左幾粒鐘頭..其實今晚唔係咁好囉..算..

回到家了(1:05am)  再落m記買左野食(1:20)       吃完後睇左TVB既360度音樂無邊 (有KEN洪卓立丫)                      之後       就打左e篇日記囉..

25-7-2007全日在家睇戲

在這日..訓醒後同妹妹落街租左兩套戲..第一套係降頭..第二套係醜女大翻身..嘩..首先睇左醜女大翻身先..嘩好感人丫..話個肥婆做幕後代唱..但本身佢真係好鍾意做歌手..但佢要有自知自明..明知自己咁肥..佢都無面做幕前歌手..唯有忍氣做幕後唱住先..但有日佢忍唔住走開左一年..走左去整容..之後變靚左..真係走左去做歌手...仲講佢暗戀左個音樂監制..到最後佢地有一段戀情..超感人超好睇丫..

第二套睇就係降頭..都幾好睇架..唔講咁多..慢慢睇..好好睇劇情啦..有三級架..睇完之後又落去再租多兩隻..感染同埋預言..兩套都係日本鬼片..都幾好睇..幾恐怖架..哈哈..正今日就係咁過左lu..