諗住個暑假relex d,就算開返都要開學先打
因為我太開心^^唔打都訓唔到
開心就係中國女排取得中國站冠軍
最後一場同俄羅斯打,打成3局數:2險勝
超刺激呀，睇直播都睇到我心跳加快(講真)
跟住落黎就係澳門站,最矚目的莫非係同巴西打
希望中國女排有好成績啦
講起尼次中國站既比賽,其中對韓國印象最深
因為果日堂姐生日,要返大6同去慶祝
夜晚仲話要出街食,咁岩個比賽係7:30pm開始
我話唔去佢又話唔得,於是佢地話提出ｄ去食
不過提早都冇用,到左7:25都未食完
我就上返去睇我既中國女排＾＾

諗返起我鐘意中國女排,最早既原因係中一時玩過排球
覺得都幾好玩(雖然我唔識玩)跟住就對排球有少少興趣
係2008年暑假,香港直播世界女排大獎賽賽事,有中國隊
跟住我又繼續睇就愈睇愈鐘意＾＾
而家我部電腦仲有上年香港站果３場賽事,
到而家09大獎賽,我部電腦暫時有33埸賽事,
每場最少都睇過20次,基本上唔睇真係訓唔著覺

我自08大獎賽鐘意左佢地,又愈尼愈留意佢地
由08年大獎賽開始睇佢地ｄ比賽
不論大小比賽,全部都睇直播
大獎賽,奧運,08亞洲盃,中國國際女排精英賽,瑞士女排精英賽,
意大利女排四國邀請賽,2010世錦賽資格賽
到而家09世界女排大獎賽,全部都睇直播
最記得瑞士精英賽,對巴西同意大利果2日係凌晨3:00開始
而且果日係考試,我都十一點訓校鬧鐘2:50起身睇
我真係好鐘意佢地＾＾人又靚打波又好

係中國寧波站奪冠合照

最後送上我最愛的中國女排二傳手兼隊長－魏秋月　照片