我發現我老豆個腦有問題

日日叫我用網吧女郎,佢系唔系有病呀

有冇理由一個老豆同個女講d咁既野先得嫁

好.......我忍

但係到再今日我忍唔到啦

今日我細老放學返到屋企(因為佢中四)就講佢暑假要補課,冇得放暑假

then我未講我舊年個暑假都系咁啦(我今年會考)

跟住佢(我老豆)剛沖完涼,出泥聽到我講緊野

佢就講:你收聲啦,自己都未做過就唔好出聲,做你既網吧女郎啦!

我即刻收聲,好.......我咩都唔講羅

我又唔係冇去找野做,咁都要佢請先得嫁

你估我又想日日系屋企上網既

你叫我唔出聲我米咩都唔講羅,我又唔駛死既

我未做過,借問聲我舊年都過左個中四暑假,補課e d野我邊會唔知呀

佢以為自己系邊個呀,日日都好似自己系大王,咩都o岩曬

佢系天才咁,好心你睇下醫生啦

佢把口系咁衰,我阿媽把口都唔好得去邊

但系佢謂左d咩,我就唔打怇出泥

因為唔系講我去做網吧女郎咁少事

或者等某一日佢又唔知講左d咩出泥搞起我把火我就咩都打佢出泥

期代一下啦

今日係自修室到講左一個真人真事

講真，in my hole childhood，暴力佔左一半

話我成長係一個充滿家庭暴力ｏ既家入面都不以為過，因為我曾經比人打到斷手骨

但係佢亦都好疼我，對我好時，我想要咩佢都肯買比我

係米好極端呢！！佢可以對好好，同時又打到我飛起

又或者我自細就成日週圍住，同家人，親戚，寄養家庭，兒童之家我都住過

我係ｅ十幾年之間，我經歷ｏ既比一般同齡ｏ既同學不同，佢地冇比人打到斷手，佢地都唔知個種感覺

不過今日ｂｔ聽完之後會眼紅紅我都有ｄ驚愕，不單只係ｂｔ重有舒敏同冬兒

不過你地放心啦！！！佢經過幾年去睇心理醫生同精神科醫生，佢再冇打過我啦！！！！

或者因為咁，我其實有少少好似雙面人咁，有時我好暴力（你地好少見到ｅ一面），有時我就好似一個自閉人咁咩都唔講（我多數在屋企都係咁）

好極端ｏ既性格，但系你地面前，我就係我，我唔會係一個雙面人！！！！放心啦！！！

嘩！！！！我打日記啦

今日放學返屋企時發生左一件事．．．．．．

在返家ｏ既路程上遇到ｐｏｉｌｃｅ．．

我地成車人以極速咁帶好條安全帶．．

一直以來，我都係第一次帶！！！！！！