夏天終於黎咗啦!

唔知道大家的消暑方法會係咩呢?

游水? 食雪糕? 食西瓜? 飲凍野?

相信除左以上, 你一定會食多左甜品, 是嗎?

"芒果" --- 一個必定係夏天主角之中的美食!

平時食得最多都係芒果布甸, 楊枝甘露, 甚至朱古力心太軟...

忽然諗起心太軟有流心朱古力, 點解出面唔見有流心芒果布甸食既?

就係咁, 我即刻走去買左芒果, 芒果啫喱粉, 同埋維記鮮奶 “開工”!

材料只要 (六小杯份量):

 

* 芒果三個

* 芒果味啫喱粉
* 維記鮮奶一盒 

 

 

 

 

((( Part 1 )))

首先做 “流心” 的芒果部份!

       

 

將兩個芒果肉掘出,

不用加水,

亦不用加糖, (我要健康原汁原味嘛)

       

    

再將所有芒果肉打成芒果蓉! 

       

       

        

 

然後放入軟身膠盒,

放入冰箱雪約一個鐘至凝固!

 

       

      

 

((( Part 2 )))

甩模再切成小芒果方丁待用~

      

 

((( Part 3 )))

到芒果布甸的部份,

將一個芒果切成小粒,

      

 

同時用熱水開好啫喱粉,

攪拌至完全溶掉.

待完全涼加入一盒維記鮮奶及芒果粒粒~

跟住放入冰箱雪大約15分鐘.

     

((( Part 4 )))

加入最先雪好的芒果流心小方丁在杯中間,

最後倒埋剩低的布甸材料,

先放入冰箱急凍十幾分鐘,

再放回入下格雪櫃雪約4個鐘!

4個鐘後~~~

賣相好吸引呀!!!

切開後, WOO, 本來的芒果小方丁在半溶之下形成  "流心", 正呀!!

不過整個芒果布甸都比較軟身, 所以好快塌左落黎, 哈哈......

P.S.  “芒果” 係令人食左會開心的甜品, 不過記住多吃會濕熱同生瘡瘡架!

Enjoy the wonderful summer time!

希望大家喜歡我今次既 "流心芒果布甸" 啦!