這天我和幾個好友第一次到旺角"盛八日式火鍋放題店"食日式火鍋放題~

踏入餐廳給我第一個感覺是空間感好大,

而且坐位之間也不算迫;

加上充滿和風氣氛的環境,

感覺都幾舒服!

這裡的日式火鍋放題有幾款套餐選擇,

而我地就揀了HK$388(一人前)日本飛驒和牛放題~

可以在90分鐘任食日本飛驒和牛, 澳洲貴族和牛, 特上美國牛肉和特選豚肉;

以及自助bar的火鍋配料, 刺身, 甜品和飲品任飲!

為確保新鮮,

所有放題的和牛和豚肉都要向侍應落單;

而火鍋的配料就以自助形式任取!

估不到自助bar又幾乾淨企理, 加分!

至於火鍋配料的選擇都算多,

有齊一般打邊爐必食的,

而且大部份都好新鮮乾淨!

更有冷麵/冷烏冬/喬麥麵和中華沙律/螺肉/粟米粒等冷盤;

亦有多款刺身任點任食~

雖然件頭較細, 但都好滿足!

仲有炸餃子, 炸三文魚扒和細心到連日式咖喱牛腩都有,

白飯更是任添!

最估不到是火鍋放題竟然有甜品專區,

而且更有十多款甜品選擇~

有綠茶布甸, 焦糖燉蛋, 粟子蛋糕, 芒果慕絲杯, 曲奇, 啫喱糖, 雪糕,

甚至連朱古力噴泉和綠茶噴泉都有, 勁!

聽講這裡的甜品是由前酒店師傅主理的,

怪不得我還以為自己去了酒店食甜品buffet!

還有汽水, 果汁和啤酒都是任飲的, 正!

火鍋醬料更是超多選擇~

有我鍾意的芝麻醬/胡麻醬/沙嗲醬;

亦有薑/蔥/蒜/辣椒等~

而湯底方面有6款可以揀,

最後我地揀了黑蒜豚骨濃湯底和辛口韓風泡菜湯底~

不過我地4人都覺得湯底較為清淡,

如果可以濃香一點會更好!

向侍應落單後和牛都好快送到~

而侍應的態度都好友善,

就算細問送來的和牛種類亦有問必答~

而要求加火鍋湯也很有效率, 抵讚!

一口氣豪食了超水準的日本飛驒和牛, 澳洲貴族和牛和特上美國牛肉...

每款牛肉都夠大塊, 厚度適中, 又不會太薄切;

而且我最愛的澳洲和牛脂肪平均之餘又富牛肉香, 簡直令人一點再點!

不過其實日本飛驒和牛和美國牛肉都好肉嫩無渣又不乾身, 口感也不錯!

至於魚片頭, 芝士丸, 貢丸, 龍蝦丸等都好爽口彈牙~

最後我地也試了一些蛋糕甜品 味道不過不失~

而焦糖燉蛋也很香滑, 好想encore, 可惜好快被其他客人掃清!

總括來說這裡不失為與好友傾偈相聚食飯的好地方~

而且食物和價錢成正比, 一分錢一分貨, 絕對食得過!

尤其和牛水準新鮮嫩口, 我覺得是驚喜回本位!

只嫌放題的時間太短, 打得不夠盡興吧!

店舖地址: 旺角通菜街1A-J號威達Deli2商業大廈3樓B室
電話：2616-0960/ 2616-0939


♥My Facebook Fanpage♥
卜卜有個皓一B
  
  
♡(✿◕‿◕)  希望大家喜歡我這次的分享~  
歡迎留言給我或 email to [email protected] (◕‿◕｡)