最近成日都去食日本野，好想轉轉口味，記得住元朗的同事話我知，元朗的薄荷葉泰國菜Mint Thai House裝修好有泰式氣氛，食物又唔錯。於是上月底約了老公去享受一下。

如同事所講，未入到泰菜館，已見到正門兩邊有火柱，好有型，而且提供室內及戶外露天座位，如想享受戶外景色，同朋友飲酒談天說地的話，選擇露天座位，實在是不二之選。但我同老公想在室內坐，故下次我們一定要試下露天座位。

此外，泰菜館好細心地在正門右邊提供電子餐牌，只要輕觸一下，便可知有什麼特色菜、二人/多人晚餐、沙律、湯等。

其實我好想同朋友去酒吧飲野傾心事，但因太嘈，好少享受到酒吧氣氛，但這泰菜館俾到我這種酒吧感覺，仲有泰國風情添，加上這是食飯的地方，唔會太嘈，咁我往後就可以約朋友到來邊食飯邊傾心事了。

泰菜館室內有大型投射螢光幕，期間見到大廚周中師傅都有介紹這泰菜館的菜式。

到了選擇菜式的時候了，當日有黑板顯示我同老公最愛的"泰式生蝦刺身"(HKD158)，於是二話不說馬上叫了一客。

嘩，賣樣好吸引呀，馬上即食，果然生蝦夠彈牙，但我最欣賞的是個醬，令生蝦的味道引晒出來，令我同老公都好開胃。激讚！

接住落嚟，我們叫了"泰式燒豬脾仔"(HKD108)、"木瓜沙律"(HKD58)、"細冬蔭公湯"(HKD68)、以及"馬拉盞炒介蘭"(HKD58)。

我每次去泰國菜館都會叫冬蔭公湯，因每間的大廚都有自己的秘方，普遍都較辣，但這裡的冬蔭公湯出奇地唔太辣、反而它的椰汁味好濃烈，所以整個湯十分滑身，好好味，而且隻蝦仲好大隻添。

飲完湯、就食木瓜沙律及馬拉盞炒介蘭，木瓜沙律有少少辣，但木瓜絲好爽口；而介蘭因加以馬拉盞後十分惹味。

最後，到了戲肉 - 泰式燒豬脾仔，這味菜是我同事推介的，果然好介紹，先講賣相，已十分吸引，用錫紙包著豬脾仔的骨位，拼起來好像火焰般，好有心思。味道方面，肉質十分有咬口，但無韌的感覺，加上醬汁好味，故我日後都會同朋友推介這味菜。

食飽飽，就想飲野，嚟到泰國菜館，叫椰青實在係少不了，今次好開心，整個椰青多汁又清甜，好滿足呀！

由於訂位時，泰菜館已告知訂位人數眾多，每枱只可食飯1.5小時。於是我們訂了7:00食晚飯，離開時還早，約8:20，但已見門口有多人等候。其中有部份人只在戶外跟朋友飲酒傾計，既有氣氛又relax，真好。

參考資料：

店名：薄荷葉泰國菜Mint Thai House

地址：元朗安康路怡康大廈地下12-13號舖

電話：2475 5872

備註：適合駕車人仕(有兩小時免費泊車)及吸煙人仕

我的文章能在以下網站見到：

itrial.hk_amyng888 / theztyle_amyng888 / blog.qooza.hk_amyng888 /

instagram_amyng_amy / she.com_amyng888 / blogspot.hk_amyng888 /

weibo_amyng888 / weshare.hk_amyng888 / beauty.qooza.hk_amyng888 / 

women.fanpiece.com_amyng888 / gooodapple_amyng888 / fnb.hk_33693 / 

saladblog_amyng888 / ulifestyle_amyng888 / beautyexchange_amyng888 / 

Facebook_AmysBeauty.amyng888 / blogs.elle.com.hk_amyng888

謝謝收看，有空請推一推。

歡迎聯絡試用或出席活動事宜！

Email: [email protected] (Amy Ng)

免責聲明: 本文章之全部內容均屬個人意見及感受。