加班工作了一星期，實在超級攰，

決定跟「他」去食日本菜作奬勵，

因家住長沙灣，不想走太遠，

上網一查原來荔枝角有「和民」，

我們二話不說便出發了！

這間「和民」，裝修貫徹其他

分店作風，環境整齊、企理，

晚上7點時已近乎滿座，

幸好等約10分鐘便有位。

我們雖為食，但「眼闊肚窄」，

眼見餐牌內有多款必食推介，

即時食指大動，於是豁出去，

叫了「水牛芝士」及「牛肉火鍋」。

香炸北海道水牛芝士 (HKD48)

北海道水牛芝士被酥脆外皮包著，

撕開後，會見到芝士拉絲的效果，

口感細滑、芝味濃郁，沾點醬汁，

即添一份甜酸味，味道亦見提升。

橫濱風味噌牛肉火鍋 (HKD198)

依餐牌所述，傳聞牛肉鍋源自19世紀

中期的橫濱，外國人早已習慣進食牛肉，

而當時日本人對此始感興趣，就以豉油

及味噌作為湯底烹煮牛肉享用。

「和民」推出這款橫濱風味噌牛肉火鍋

希望讓人感受當時日本人品嚐的風味。

這個火鍋有濃郁湯底、野菜及大大粒牛肉，

二人分享就剛剛好。

為了增加玩味，在落單時只要跟侍應講

「我要用秘技」，店員便會送上小禮物

如：餐具、現金券。

今次我們就獲得一對「火鍋筷」及一張

現金優惠咭可作下次使用。

咭上更有牛肉火鍋的建議食法，以供參考。

牛肉新鮮、大大粒，另配上牛油，

牛油可用作燒好火鍋，放牛肉粒，

煎封四面來鎖住肉汁，夾起備用。

微炒野菜以吸收牛肉精華，再煮

滾濃湯，最後加入煎好的牛肉粒，

便可食到美妙的牛肉鍋！

追加烏冬 (HKD35 / 250g)

「他」一向喜歡食日式烏冬，

覺得口感十足，故追加了1客。

我們實在太烏龍，食完才見到建議

食用方法，幸好另一食法都不錯。

我先用牛油炒香野菜，慢慢放入濃湯。

當野菜軟身後，可放入烏冬吸收濃湯，

最後逐粒牛肉放入，待牛肉表面變熟，

便可進食。

烏冬軟滑、彈牙，濃湯濃郁，方粒狀

牛肉放入濃湯，持數十秒便有5成熟

效果，外熟內軟，口感十足。

但將牛肉放入濃湯後，千萬不要放手，

因找回牛肉時，肉質會過熟，就浪費了。

特上鰻魚盒子飯 (HKD138)

真係越食越想食，將近飽之制，

打開餐牌想叫甜品，怎料看到

「特上鰻魚盒子飯」的單張，

即時改變主意，叫了1客。

好靚呀，夾起大大條的醬燒鰻魚，

一口咬下去，Q彈、肥美、啖啖肉，

真的一份錢一份貨，好美味呢。。。

值得推介，下次都要食這個！

參考資料：-

居食屋「和民」

地址： 荔枝角深盛路9號宇晴軒宇晴匯商場2樓6號舖

電話： 3520 4210

本文章之全部內容均屬個人意見及感受。