《老夫子》漫畫經常以「耐人尋味」為題，

估唔到我今次就到老夫子港式餐廳尋「味」！

事緣我同老公小時候都好鍾意睇《老夫子》，

知道九龍灣國際展貿中心開左一間《老夫子》

主題餐廳，於是我們上星期就去打咭兼食飯。

餐廳環境寛敞，裝修富創意，到處都被《老夫子》

漫畫角色及故事包圍著，令人禁不住影相打咭。

為貫徹主題，餐廳內所有座位都以老夫子跟

大番薯的服飾作藍本，充滿玩味。

一坐好就見到另一驚喜，就是充滿玩味的餐牌，

裡面有齊麵、飯、燒味、小炒類，全部送熱飲、

價錢介乎HKD52-68，都幾抵食。

此外，另有餐前小食、煲仔飯、海南雞飯等選擇。

正當選擇困難之際，有禮的店員過來推介我們

食煲仔飯及無骨海南雞飯，見附近都有人食緊，

賣相又不錯，於是接受建議，再加多碟雞翼添！

熱浪芝麻雞翼 (HKD48 / 4隻)

雞翼充滿芝麻香，外層脆卜卜，內裡肉質夠嫩。

咸魚肉餅煲仔飯 (HKD68)

送來時焗了一陣才開蓋，一開蓋便散出陣陣

咸魚香，肉餅蒸得鬆化有咬口，伴飯一流。

特色小食+無骨海南雞配油飯 (HKD68)

另加油菜 (HKD10)

套餐看來十分豐富，無骨海南雞嫩滑啖啖肉，

食完一件又一件，沾點醬汁更美味，好快清碟。

跟餐送熱飲(凍飲+HKD3)

老夫子港式餐廳

九龍灣展貿徑1號E-Max 國際展貿中心2樓18 號舖