介懷，不是記仇，記仇是因為你不可避免地記憶。
介懷，就好似針線縫補缺口時不小心刺傷無名指一樣一針見血，痛覺喚起，隱隱作痛，自憐自艾；
釋懷，是大病完贈送的安慰奬：抗體!~
「朝夕相對」講的是身邊人，就是你不認識但我認識的人；
「擦身而過」的其實也是我朋友，只是曾不時和他們擦身而過，通常都是 一"hi"而過，停留時間甚短；
「相逢應不識」講的是公眾人物。
一些「朝夕相對」的，如今可能「相逢應不識」，
「擦身而過」者，誰敢保證有一天不會「朝夕相對」呢？
隨著世界盃ge到來，男性波迷返工似喪屍，食零食生非滋。 身邊睇吾明點解23人連球判都要跟住O個波走ge女人, 按捺不住冇仔陪ge寂寞， 後備情人(觀音兵、水抱、雪菇七友)易有機可乖。 記住無論係情場，定職場上， 後備=有所準備上場；正選=隨時落選下場。 愛情天擇論：呢個年頭處處充滿競爭，愛情都不例外，戀人的可替代性速率俱增。 男人的拈花惹草女人的紅杏出牆無不證明了，當你老公/老婆的function玩膩了，就需要另覓後備情人。 花花世界的男男女女都分得清楚，後備有幾不甘，永遠都無法當上正選。
串得起同串得啱，呢樣野我最唔明。 拿，咁講。串人呢，我覺得冇分啱同唔啱既。 串人既問題，響個動機度，唔係個內容。 有D人講既係事實，係咪就代表「串得啱」，所以連道歉都唔應該呢？ 我舉個例丫。假設你有一日，去到一間比較貴既舖頭度買衫，買衫既途中，俾你撞到個朋友同你一樣，想響果間舖度買衫。呢個朋友家境冇你咁好，搵錢又唔多，於是你就串左佢係「窮鬼」喇。 你冇講錯喎，佢係真係少錢過你丫嘛，佢真係窮喎。你講既都係事實，按照部份人士既講法，即係你「串得啱」啦！ 大佬，串人係錯在動機同心態，唔係內容呀。 有D外脆內冧ge炸兩話"要串人，最緊要串得起。而串，係自信心既具體表現。" 我又有d唔同意wo。 串得起，同有冇需要串人，我覺得係兩回事。 串得起代表你夠叻，因為我服你既成就同能力，即使我俾你串，我都心甘命抵。 不過你係咪真係有需要串我呢，我又有d保留。 呢個社會好多人都好串，不過串係咪就等於自信心呢？ 我反而覺得，有d人，就正正因為自信心不足，所以先要不停咁去裝出一副串樣出黎，等人唔好睇小自己。 我見過不少好有料，自信心亦好強既朋友，佢地不單止唔串，仲係一個謙謙君子添。 講串得起，佢地絕對當之無愧，不過，我對佢地既謙厚、勝而不驕既態度，就更加欣賞囉。 by the way，我諗，我今日痴鬼左。居然嘔左咁鬼大堆廢話出黎。 悶親大家啦。
