今日又一次被上帝屈左機...
考完試就返左教會坐...
點知行到茶水房..就俾<祖藍港「男」>(天使心)呢個封面吸引住...
即刻上去拎黎睇...
當中講到王祖藍點樣認識李亞男...
仲講到佢地既「分開」再「一齊」...
睇到呢度...突然眼氾淚光...
上帝...點解袮可以應機應得咁快??
係呢篇專訪既裏面...講到王祖藍同李亞男曾經分開過40日...係當中...冇單獨約會...傾電話...就只有為彼此去祈禱...
最後...王祖藍係當中講到佢睇到一本叫<當好男人遇見性試探>...發現自己原來都會有未準備好既時候...
更發現自己當時事業未穩...好難係處理感情事...
所以最終都只有分開收場...
當中王祖藍都提及果種被迫分開既痛...
小弟都心同感受...要愛...卻不能愛...
但睇到呢到...我都開始反思返自己...
究竟...現在既我...能唔能夠俾到真正的愛...我所愛既人...
最後得出既係...唔能夠...
我當下...呆左...但隔左一陣...
就知道...嗯...原來神要我去學習愛...
雖然我唔知...我所愛既果個人會唔會等我...
或者會...又或者唔會...(當然我都好希望佢會)...
但我真係好想學識愛...之後能夠好好咁愛護佢一世...
以家既心情...真係有D複雜...要愛...但又愛得唔夠...
所以...我希望有人如果睇到呢篇野...都可以為小弟祈禱...
因為被愛容易...愛人難...但係神既愛就係咁樣先顯得特別...
因為衪比起其他的"愛"...更加無私...
|
