嘩....呢兩日真係忙死了...

又要溫書...又要整資助既野...

忙死左...

神啊...幫我啦...我唔想一個人做咁多野呀...(懶蟲...係唔會有神幫助...因為幫左都要佢自己郁先得...)

WOO~~今日又開始回想返自己既過去...

我到底為左咩而信...我信...到底又係達到咩目的...

原來信...真係好簡單...真係可以三言兩語就講晒...

但並唔係三言兩語能夠解釋...真係又夠過癮...

大家(若然已經係信左或係基督徒)可以試問自己...其實當初信...就真係果一下...

但之後既生命...係點...大家都有眼見...

我呢...係信既頭兩年...都係好似未信一樣...粗口連珠...串人無數...從來都唔理人地點諗...

同人講自己係基督徒...真係會笑大人地個口...相信係大家既心目中...基督徒...一定係好好好好人...唔講粗口...唔食煙...唔飲酒...唔賭錢...等等...衰野都唔做...

冇錯...呢個的確係基督徒應該要做到既野...但係我地都會有軟弱...有抵受唔住誘惑既時候...

但我地同普通人唔同既係...我地從信果一刻開始...就有耶穌住係我地心入面...當你係做錯野...或諗人地既不是既時候...

自自然然就有把好細好薄弱既聲音去如你講...你咁做唔好...你咁做唔岩...你唔好咁做......

果一把就係聖經所講既聖靈－－保惠師...

即使果一刻都係做左...但之後...你都會因為曾經做過...而又會再聽到果把聲去提醒自己....

聽落好似好恐怖...但諗深少少...就會發現...其實你信緊既到底係一個點樣既神...

上帝唔需要你花費金錢去買衪既野...黎換取衪賜既平安同祝福...

只要你信衪...隨時隨地...合埋眼合埋手...祈禱...就可以向衪傾訴...

唔係好似其他既宗教派別咁...要上廟宇...先可以祈求...

更加唔洗話要對住個象...先可以....

只要心中相信衪就可以祈禱...當然...祈禱的內容到底係為人定係為自己都好重要啦...

唔通話祈禱俾一千萬你...神就真係俾你咩...

如果果個神係咩都聽你講既話...果個就唔係神啦...果個係你個僕人...XD

上帝　耶和華...係一個充滿愛既神...衪做事有衪既心思係當中...我地好多時候都唔明...除非衪刻意顯明...否則我地諗到頭都爆都唔會知...

所以好多人都話甚至質疑上帝...係咪真正既存在...但上帝既做事方式係唔會有早同遲...只會有岩岩好...

最重要係衪為我地既預備...係一定夠我地用...甚至係超過左我地原先既所求...

目的...其實我當初信...係一D目的都冇...只係當時既自己真係好難過...唔知前路到底會變成點...而果時就有一位牧師黎到學校去講道...

講講下...就開始呼召...雖然我已經唔記得佢講左D咩...但我最深刻既係...果D內容就好似真係上帝同我講野...去安慰緊我...係我最無助既時候伸出既援手...

就係我一下我決志...喊到唔知點咁...最終都係冇上台XD...(怕醜嘛>___<|||)...

真係冇咩目的...或者格硬講既話...就係一個扶手...但講實話...上帝又豈是扶手咁簡單...

衪比扶手更可靠...直程係可以隨時將我由谷底拉返上黎地面...

最後送上一首歌...大定都應該聽過..."上帝早已預備"