呢排...又有D時間唔係好夠用添....

仲有兩日我就考完喇...好野...

祈禱祈禱...

慢慢成為左我生活中不可缺少既一環...

唔知大家會唔會都會為到一D事情去祈禱呢?

小弟祈禱既野真係好多...

但唔一定係為左自己既想法而祈...

因為咁樣同盲目咁"許願"有咩分別?

信徒既禱告...好多時候都係由聖靈去引導...

但有少部份都會出於自己既意思...

到底果樣野合唔合乎神心意...

其實係祈既過程你就會知道...

我就試過祈祈下...腦中突然出現把聲同我講...

"你咁樣祈...根本就係為左自己既利益...同唔係祈想你為之著緊既事黎..."

當下就俾呢把聲..."鬧"醒左...

真係當下清醒左一下...

不過...禱告就好似呼吸一樣...咁簡單咁輕鬆...

有好多人都好怕祈禱......講真...我開頭都好怕...

但唔試下又點知WORK 唔WORK...

信仰開頭就好似一件產品一樣...要試...認為適唔適合自己...

試完之知到底係咪真係值得信...

小弟就試過...亦都覺得甚是可信...

不過我係唔會SELL你地信...因為決定權在你...

加上若果信仰係因為逼而非自願信...

根本就失去左信既意義...

再者我要澄清既係...我信緊既唔係一個信仰...

而係一個關係...一個人本身同上帝所有著既關係....神既兒女....