今日個楊展為無啦啦比左10蚊我，話係還錢，不過我無借錢比佢，都好既有人自己送錢比我。

返到屋企緊係即刻去餵我既小形生物啦，隻角蛙追條魚仔好好笑，佢好似溜冰咁滑過去食左d魚仔，我d小龜就有一隻珍珠龜個身有d皮炎，有d怕佢會死，因為之前有2隻龜都係死係皮炎，不過好彩仲食野姐。

我隻凸背鱷龜食慾大左，今日食左2條魚佢食其中一條戈時張條魚一咬個肚，條魚肚有好多魚bb游左出黎，不過d魚bb抵抗力差死晒。

今日午膳戈個時，楊展為比我個fd串啦，佢就係到追住我個fd，我就幫我個fd

擋住佢啦，佢係都要過，點知佢一過就撞中張登仆親，自己仆親話我推張登，全班咁多見到仲係到亂講。仲係msm叫我同miss講我推張登，唔好傻啦，我唔會怕你嫁。

琴日同細佬噪啦，都係d小野不過就噪得好緊要。

今日個楊偉鈞係做問卷調查戈時，我飲野啦，佢係咁拍我支野飲，比佢攪到個嘴流血。

我希望快d到4月 因為有3樣野我都想做。

朝早同d 同學,細佬去跑步，之後去到東涌河到，見到勁多人比賽緊，好似話係三項鐵人。
我地好奇啦跟住佢地跑，行左一陣去到條河見到2個細路妹係到捉魚，捉左勁多魚(魚仔,紅劍等)因為佢地有個捉魚器。我地又捉啦，收獲唔錯仲捉左隻大紅耳龜(2隻手掌咁大到)，比佢食左d魚同d蝦就放返佢，但我地做左d好錯既野，有d後悔。