晚上吃飯...十九財政司話加煙稅....

即時比老媽話....又話呢到唔比食果到唔比食!你出街到底係邊到食煙呀?

我話機舖....佢又話D人唔投訴既??我話食仲多過唔食喎!投訴?唔驚比人招呼呀??

一講到呢到...又挖野黎講...又話我以前係出面搞事佢好擔心....睇完D報紙話D友係出面搞事搞出人命佢仲擔心.....

喂老細....邊有咁多唔好彩架....真係有咁多唔好彩真係屎都有得食喎~!!

仲有...你真係當你個仔我係流既???而家仲洗唔洗自己郁手呀???

況且我都唔得閒理D咁無聊既野啦....搵野做搵錢仲好啦得閒!

吃飯其間氣氛緊張!似鬧交多過食飯.....愈嘈愈大聲.....

最後都係老豆話:咪嘈啦...嘈到出面都聽到啦.....

有時真係唔明佢諗咩....報紙都有作大既成份架....唔作大D點有銷路呀.....