最近神經質的原因.....

1)呢2日d馬仔嚴重屈機...百幾倍金q夠膽死一連爆3鑊出黎....仲要買熱開冷,買冷開熱....

15分鐘可以輸成17個幣....好彩臨尾3個幣番身....連本帶利攞返22個返黎.....

2)條煙星期日先攞返黎.....計埋今日啱啱1個星期...竟然可以食左6包去.....what the fuck...!?

3)夜晚...無聊得滯抄返d漫畫出黎睇.....無意中發現....原來之前講既所謂唔見左d證書....

原來收埋左係床下底....仲要係同d漫畫擺埋一堆自己竟然唔記得.....痴線.....

搞到我浪費左80蚊去補領....../.\凸  

愈窮愈見鬼......我就黎發狂啦........

第2日...訓醒...小妹子飲完茶已經撻係沙發到玩緊電話等我....又再傾下計.....之後妹妹都黎埋....

等到2:30表哥黎到攞野...之後再同佢地出去拱北閒逛....講講下小妹子話今日要返去澳門....溫書同做功課....

本來諗住13號果日同佢係澳門玩一陣先返去...不過佢要溫書..算啦...我都唔想佢成績退步.....

一上車...個個都唔講野...扮沉默...想點....問佢地一句先答一句....唉........到左拱北...又再地下商場....

期間氣氛緊張.....個個唔出聲....我個人又嘔嘔地....加上佢地咁...我更加覺得唔舒服.......@_@

行行下佢地肚餓...同佢地去食野....我真係食唔落....完全冇心機....飲杯黑咖啡算....坐低果陣佢地又多返野講......

......佢地食飽之後行多陣...小妹子就返左去澳門......我就同妹妹去大快樂買外賣....

果陣妹妹又多返野講.....一路講到返屋企....返到去妹妹幫我捏左2野膊頭...鬆哂....都係第1次有咁既待遇...

9:00我過左香洲搵表哥同佢班兄弟....飲酒飲到成2點....返去訓....第2日走.....                                                       

呢個旅程...我都唔知講咩好...第1日開心...第2日無奈.... 第2日我真係比2個妹玩死我.....2個平時

活潑兼多野講果隻黎....第2日佢地好似好唔開心好多野煩咁.....搞到我係到擔心佢地....煩緊佢地點解咁樣...

唉..見完呢次之後...最快都要4個月之後先有得見....

打緊呢篇野既時候我仲係到狂食煙.....仲有就係一面打既時候一面諗...諗到一樣野...我真系明白到...."做人阿哥甚艱難"         完

旅程開始,11點起身,刷牙洗面洗頭,準備哂所有野出發...

12點去到港澳碼頭...d人多到打哂蛇餅....諗住買1點船飛...點知最快都係得2:50.....

冇計...照買...船飛都未買...小妹子send信息黎話叫我碌慢d過黎....fit哂啦...

買完飛後見未夠鐘上船打左2舖機dum波鐘....打到2點...上去入閘過關...睇下有冇得偷雞撘早2班...

好彩都有...撘到2:15....浪下浪下...3:15分到澳門....落船過關d人多到pk.....擋住我既視線

睇唔到澳門居民個窗口....sh!t....出關飛的士過關閘接小妹子.....的士費貴到飛起...成40蚊...見到佢後一路吹水一路過關.....

黎之前仲話驚走唔甩...結果又係比佢走得甩....過完關先4點....同佢係拱北地下商場閒逛....為食貓....見到雪糕就想食....

就滿足你要求....之後妹妹放學打黎...就同小妹子撘車返去....期間講起好多話題.....乜我真係有咁多野令人吃驚咩??

小妹子聽一句"下"一句...擺低d野後去左食老麥...買一送一....板燒雞腿包.....                                                                                      

什麼??去老麥期間妹妹掛住同佢個朋友傾計拉遠左我同小妹子既距離....各有各傾...飽哂之後去左唱歌仔....

6:30入場唱到10:30 咁就返歸去...回歸途中..街道漆黑一片...2個妹妹講起...如果唔係我係到撐場真係唔敢行...哈哈~覺得我係佢地

心中個存在價值同地位又高左^_^返到去都11:00...幾兄妹又再圍埋傾計......小妹子送出禮物一份...一個lago型日曆....

傾到2點小妹子又肚餓....同佢地去左食燒烤....飽哂送佢地返屋企....   待續.....................................

諗住去見工前一晚早d訓...呢次真係做到啦...較鬧鐘較12點半

點知11點半醒埋...訓到12點彈起身...刷牙剃鬚洗頭洗面食飯....

1點30分出門...2點15分去到銅鑼灣...group interview....緊張....

因為全場得我1個IN既POST係與眾不同....問我既問題經過特別炮制...

過程好似比想像中好....但係真係爭D比佢拋到我...對答還可以....不過唔知過唔過到關......希望可以啦....

in緊果陣真係成個人震哂....好彩禁得住...冇比個壓力令自己講野口窒窒......雖然都有小小....

不過快速禁制返....足足in左2粒鐘....由於太多人一齊in.....in完~大炮仔又再摟刮....

被逼出去...廢話連篇同食風食到1030分就哨....去左龍威搵呀麒...跑馬機...輸到甩碌.......

今日d馬仔唔聽話...屈哂機.....過後,公園吹水...吹到1點30分返歸....

真係未試過見工會咁攰....見完之後食埋飯成個散哂....而家返黎打個日記都好似有氣冇力咁.....

但係一諗到星期6又好似精神返d~~期待中...xd

11點半又比人剷起身...話洗衫... 早餐係粉果全餐....

1點左右小妹子黎到...又再禮物時間....送左一包"無印良品"既糖同一條手鍊比小妹子~

同佢吹水玩左一輪~妹妹都黎左...叫埋我地去燒烤....我都係第1次去燒烤唔係燒黎自己食...

玩到4點收到電話又要哨...雖然係唔多捨得走...不過都係等1個星期就見啦~

本來諗住冇預到會見到小妹子...諗緊佢果份禮物帶唔帶埋返去....

如果萬一見到....到時手空空,2梳蕉...肯定比佢打死我...哈哈!!

我都係咁大個仔以來覺得...回家拜山拜得我咁開心.....