這幾天,一直努力上班,今天挺不住了...終於因為食物中毒,肚痛得病了...但早上還堅持上班,但放早一點,收11點鐘...

然後回家,sara出來陪我去看醫生...看完,走了一會...就自己回家了...

很奇怪...怎麼我一直都沒有人待我如此的好...明明放假,都為了一個朋友...從大埔跑出來...為什麼待我這般好呢...

從前沒有人待我如此好過,為什麼你卻一直支持我,一直在我需要你時都會伴我在右?

我跟你只是一個在網上認識的朋友,為什麼...你要一直陪我渡過我不開心,自己撐不住的日子?!

你知道我會哭嗎...很感動的...你明白嗎?

相反,當其他我所以為是好朋友的人知道我病了...卻沒有一個人關心我!

只有你...太好了...果然...當你的豬,是我一生福氣^^

下午,到黃埔找朋友>0<

哈哈,肥大,淵,靜宜,玲玲,juno等人都很好笑呢@_@

錄了三段短片,挺好笑的,呵呵,要留起做紀念!!!

明天,上班後,就要到明星pub演唱了...看我努力吧!

我一定會成功的!我保証!!!!

莫名...回憶...

今天,4點30分 起床...梳洗完畢,換衣服準備上班...

忽然,穿上一條很久沒穿過的褲子時...發現褲子後袋有東西,好奇下把它拿出來...

發現,是一個回憶...一個離我而去的回憶...

是一張貼紙相...一張很久以前,跟璇,焮,文拍下的照片...

呆了...呆了一會,把它放回銀包...

出門,坐上小巴...

把它拿出來,耐不住,哭了...

不知道為什麼...就是哭了...

然後把它跟早兩天去拍的貼紙相比對...

發現...我沒有笑容...

原來...以前跟璇一起,我是這樣的...

真不知道如何是好...

但...也很開心...現在,沒有煩惱了...

嗯...只想,她活得比以前更好吧!

而我...會努力為自己打算,更會打尋一個我配愛的人^_^!

今日,約左細魚,阿欣,逸君,靜宜,同埋靜宜個朋友kathy出去玩嘉年華@_@

出門口之前,我打去天氣報告,佢話今日會落雨喎...咁就打算嘉年華活動取消喇...(事後先發覺今日係一滴雨都冇...)

之後經過細魚,阿欣,君bb,同埋我既討論後...決定去唱k!!!!!!!哇卡卡!!!!

唱唱下,靜宜同佢朋友出到黎喇^_^咁我就去接佢地喇,之後阿欣個朋友都出左黎喎cc咁就一齊唱喇!!!cc

今日唱歌狀態幾好...唔錯,對自己表現覺得有70分呢@_@!"呵呵,仲有改善空間的!!!

今日覺得細魚把聲唔同左...好聽左啵...^_^卡卡,有所進步,期待下次再夾好d喇cc

靜宜冇乜聲,有d覺得佢唔願唱...佢朋友就好d,把聲幾好,普通話都咬字清楚,但係細聲得滯!!!要改善下喇!!

君bb把聲就高左,要改改佢喇cc

唱完k,阿欣,細魚同埋欣fd就話去嘉年華,咁我都冇哂mood去了,就各散東西,自己去尋歡了cc

跟住君bb,靜宜,靜宜fd同我就去左打機...(事實係我同君打,兩個係度睇...XD)

然後就去左椰林閣食野喇...(咩地方黎架..話係cafe,搵杯意大利咖啡都冇,食屎喇去)一邊食一邊傾,佢地對我講既搞笑野都好似幾受落,卡卡~仲要全部事實XD~

之後就上左我屋企坐陣...佢地係度玩狗...玩左陣,就落左去影貼紙相喇^_^"

今次影得有一張我真係好鐘意...好愛果張相>3<

之後老豆打黎,叫我去睇電話!!!!卡卡,時間到喇>3<

跟住我既目標本來都係w800i或者k750i...點知老豆好豪!!!!w810i喎= =ccc正正正正正正正>0<愛屎你呀老豆>0<!!

買完就第一時間賣甩老豆去許留山食野,之後sara打黎話到左,咁咪去接佢囉!!

之後去左睇下有咩場次,發覺得9:55pm...仲要無位...

咁我就同sara返轉頭搵佢地喇,見到靜宜個樣嬲爆爆咁,又係咁既樣,嚇死我d朋友喇!!!>"<

同佢地講話無連位,睇下可唔可以調喇~咁點知去到話冇位調添...

跟住我膽粗粗...話:咁第一排囉...講聲唔好意思就得!各有各睇,新年流流唔會搞人既^_^(因為戲院第一排永遠係俾靈界朋友坐既...)

咁就買左飛喇...見仲有好耐先到時間,就去左mc cafe度飲野...得我一個想飲...咁我去叫喇...叫左杯意大利泡沫咖啡...跟住要等,好...咁等佢送到黎...飲左一啖...發覺無落糖同奶...點做野架...即刻唔飲上樓抖抖~!

跟住我係房整電話d野,靜宜入左黎,sara同kathy係出面喇~

咁整完就岩岩好時間,咪落樓行去囉,入到去岩岩好開始,就坐係第一排度睇(不過真係幾辛苦!!係近銀幕先辛苦...果d朋友無搞我地...)

我地睇翻生侏羅館,幾好睇,好多爆笑位,真係唔錯...最鐘意隻暴龍骨,好得意可愛呀>0<!!!

就係咁過左一日...聽日又要返工喇...奸爸爹^3^!!

今日,係新年喇,,,,,好開心呀,,,,今年新年終於有朋友陪喇....

細魚,阿欣陪我去行維園呀~~~~

好在細魚提一提,如果唔係都唔記得阿欣咁岩係呢日生日@_@!!!!卡卡,好在準備左禮物姐cc

今日去到銅鑼灣,等左一陣先見到兩個大小姐@_@"化妝咩撞鬼你= ="!?

跟住廢事唔見唔記得,將兩份禮物送左俾兩位大小姐先喇^_^

跟住就排隊去年宵喇,見到好長龍,岩岩見到龍尾,細魚就話:不如走囉...

卡卡...俾佢吹漲左喇^_^"XD

行行下,忽然見到黃埔既阿健@_@"好恐怖~cc叫佢佢應機呀,不過又自己走左\"/激死我>"<!!

之後阿魚無啦啦ｋ親~卡卡,成個趴左係地下@_@"笑死我^_^"

咁排到入去喇...好多人...三個人同時一句:不如走囉@_@?

心意已決,準備係人群中作戰,大戰三百回合後,終於俾我地殺左去出口^_^"(中途仲試過唔理我呢個戰友自己走左去=.=)

跟住阿欣有個朋友出黎送左隻吹氣黑豬公仔俾佢,我同細魚同阿欣一個一個輪流拎住隻公仔係咁扑人個頭@_@"

最搞笑係細魚係走果陣,先後俾兩個差佬鬧!!XD

第一個係因為細魚行路唔帶眼,踩左個差佬一腳,個差佬係度:哎呀哎呀...XD

第二個係細魚過馬路,明明紅燈仲要衝,個差佬係度話:睇車呀,有車轉入黎喇,剩係掛住笑...哇架架架架!!!!!

笑到我肚痛呀>口<!!!

之後行去地鐵站,我扮哂識路咁,其實...我係唔記得左點行架=.="不過都俾我帶到去地鐵站XD~~~lucky!!!

我問:去唔去旺角行下?佢地又話好喎!!!

點知到左旺角...細魚轉軑:唔去旺角得唔得架其實...?

唉...之後我就好灰心咁落左車...!!

其實...今日都係為左見佢先諗咁多野叫佢出黎玩...點知佢又要咁早走...

但係今日見到佢好開心,好滿足架喇^_^!!

今年新年有咩願望?願望係細魚,同埋其他我覺得好好朋友既人都得到幸福快樂^_^!!!!!

各位,新年快樂呀^_^!!!