比賽日！
終於都尼到呢一日喇~!
但係全晚冇覺好訓………我見到自己跌咗落街！
好驚！！驚醒咗！
喊………我好耐冇咁放肆咁喊過喇！
睇到個鐘，5:45，即刻去洗手間洗面！隻眼紅哂………
就咁攞咗個斜咩袋同戲服就出發！
我估唔到返到去冇人知我喊過……不過我就係想咁！
我唔想喺人哋眼中咁不濟！
返到去，Maths test 突然勁痛(總之就係男冇得痛果啲喇)！全份卷睇都唔想睇……唉
好辛苦咁上完中文堂！
小息一打鐘就落去喇！
一去到就即刻換衫！(今日我冇出現喺男更衣喇！)
跟住上台上面幫手整埋個報景∼∼(另外紫色包裝必利痛登場！)
再one full一次，原來要成套衫換一的都唔容易！
好在我換衫果時冇其他人會喺男更衣出現！
本身一開始我其實對個戲冇咩信心……因為表面上好似一個鬧劇！
不過當自己投入去之後，就發覺原來冇咁簡單！我好中意呢個劇！
食飯！熄哂燈搵唔到對鞋．．．．．唯有赤腳落去……
本身我同呀樺家榮生都叫叉蛋飯，結落到去得我有……
上返去！最後總綵排！一開始都好�H……但係當我換衫�H時侯發現冇咗條短褲！！！
搵尼搵去都搵唔到………就快要出場喇！點算！？
就喺呢個時候！我爆seed~!
有直覺話比我知要去對面後台搵！真係比我搵到？！好彩！
做完最後一次one full之後，就即刻換好第一套衫！上台大叫good show~!
全個過程都好順利！我又有果種講唔出�H感覺！全個過程都好似過得好慢咁……
完結喇！跟住事後同評判傾偈，我突然間好想喊………好在有人無端端搞爛gag所以收返！
之後就係影相時間到！！個警察成日搶鏡頭呀！
好開心！能夠咁樣同一班人咁開心！入唔入到圍都唔理喇！
|
