好慶呀今日!!!! 事情是咁的,
細佬提意今日成家人一齊出街, 其實我唔想出, 但都係出咗, 為咩?為餐中午.
到停車場門口, 好多車, 老豆叫我地陪阿媽上去搵位叫嘢先,
我唔肯(因為我想聽多陣歌), 跟住佢問細佬, 細佬都唔肯, 佢又問多我一次, 我都係唔肯,
咁佢嘰拮咗一輪叫我去, 我都係話唔去, 跟住佢叫多次我去, 我就好唔耐煩咗 "唉!" (語速短) 咗一句.
跟住佢好惡咗望住我話"你唉我? 你咩態度, 連你父母都唔尊重",
我就O晒嘴咁 "吓" 咗一聲, 然後佢就好大聲咁叫我"欄呀", 我"嘖咗一聲, 就走啦.......
跟住佢又唔同我地食, 番到屋企食晚飯嗰時, 阿媽講到結婚呢個TOPIC,
佢就小我話"結婚有咩用呀? 生啲咁嘅女出嚟, 唔生好過生啦" 我諗 "結婚可以唔生仔囉" 我費事理佢, 慳番啖氣暖吓肚好過.....
一個助語詞你都話我唔尊重你, 咁你話我粗口又點計呀, 真係唔識同啲長輩溝通, 個代溝係 "時下年青人嘅語氣同你相容唔到, 撞咗"
我成日覺得, 好多人誤會我某句嘢, 某個EMOTION等等的MEANING呀, 搞到好多人唔LIKY我呀, 好慘
