原來唔俾自己打blog都係一種原則黎架....

所以呢  都係打返啦...

依家冇左blog就好似冇左人與人之間既聯繫咁

i mean 唔係成日可以見面既fd

哈哈...  我今次真係夠哂虎頭蛇尾喇....

今朝阿爸終於走左喇~~~~~  做咩我會咁開心...

可能真係太習慣冇佢既生活   如果佢係住一年走一年  我諗我會掛住佢既...

不過遲多幾個月  就真係要開始長期同佢一齊生活喇...

佢到依家俾我既整體印象係  "大男人"   雖然本人也是名男子  但極其討厭大男人...

特別係   當我見到佢明明係錯   但係又唔肯認錯；

佢有佢講，冇人會駁，最多俾我間唔中用幾句委婉既說話黎暗諷佢；

但係同佢一齊都幾有安全感既，而且學歷唔高既佢居然有咁既見識，佩服佩服。

仲有仲有，佢目光都真係好遠大(esp投資方面)，對比起自己，自己簡直目光如豆。

同佢一齊，越黎越覺得自己淨識課內野，對課外野一竅不通。

(我諗不嬲同阿爸住開既人，唔會對阿爸有啲咁奇怪既諗法)

另外，一星期前左右，第一次聽到有同輩讚我阿爸。

的確，嫖、賭、飲、蕩、吹，佢範範都冇...

但係佢太唔顧家喇，淨係識買股票投資，家用都唔俾，可惡可惡可惡。

仲有，佢除煮餸外，所有家務，包括吸塵、拖地，範範都差過我xddd

我咁樣會唔會叫做小男人左啲呢.........