睇睇下《惡作劇之吻》，代入左直樹嘅角色。

我的「自我」是怎樣？

我想要追求的究竟是什麼？

追求一張好的成績單？

對整個人生來說，這張「重要」的「廢紙」只能決定到其中的一小路向。

我們，做學生的，為此在試場上來過一番龍爭虎鬥，在試場後亦曾埋頭苦幹，

最後升上「理想」的大學，入讀「理想」的學科，然後順理成章地得到一份「理想」職業。

所有都說得像是自己的「理想」.......

但其實，究竟係我地決定升唔升到原校，定係考出一個成績，由學校決定需唔需要我地？

學校不要自己就被標籤為失敗，受取錄的就是成功？

究竟係我地揀大學，定大學的名聲決定我地既選擇？

究竟係我地揀讀咩科，定係職業的前途決定我地讀咩科？

原來好多嘢都唔係我地自己去揀，係社會幫我地揀。

若是這樣，真正的自己會怎樣選擇？

社會制度認為失敗既地方，係真正的失敗嗎？

追求一段長久的親情、友情、愛情？

只屬今生的「情」，但卻是今生很美的事，是值得追求的。

可是感情像玫瑰，美得來有刺，令人最感受到快樂的同時，亦最易令你傷心。

有時，甚至要為潛在的失去、分離、破裂而擔心、掩飾。

很怕家無寧日，倒不如在家變得孤僻一點，違反自我。

很怕不受朋友歡迎，便多見面、多親近，唯怕對方忘記自己，累到死也要赴約。

話雖如此，這些感情是有價值的，對我來說是值得為此犧牲。

太5:48：所以你們要完全，像你們的天父完全一樣。

聖經這樣告訴我們，而且許多聚會都提到我們要放眼永恆。

但我發覺那追求永恆的決心，在我來說，其實很小。

經常返聚會、靈修、分享見證，是否真的代表自己很「掂」；定係一直在自欺欺人？

心知應該追求，但又沒有做到。

江直樹呀，江直樹，你IQ200幾，同你比，我應該係好蠢好蠢。

但你的心情，我好似都幾明白。

以上係07年7月30日晚上11時45分的小小隨筆，只是一篇自我讀白。