今日首先要同坤講聲 "Sorry"先！

話說今朝帶住興奮嘅心情返埋最後一日工 =v=

跟住就出隊啦，點知因為一個小誤會，

搞到坤出左黎，但又出唔到隊......

結果，三條佬齊齊食岡本……好食，因為太耐冇食。

下晝，喺吉島到見到邵，

見佢借左本《化學博士》同另外一本唔知咩書.....忽然間覺得......假期已過......

要迎接嘅，係一個新嘅開始。

經過呢個假期，因為同學錄、Grad Din變得更獨立同有效率，

而且更加懂得自我檢討；

因為《沒有你不行宿營》同722佈道會，同各位弟兄姊妹更親密，

亦都明白自己一個人嘅力量雖然有限，但係團體嘅力量可以好大；

因為P&C練波、練體能，自己體能有大躍進，知道自己嘅進步空間無窮無盡= =；

因為幫人補習，學識點樣同小朋友相處，有助兒拜事奉，

Design Game方面亦都證明左自己嘅創意仲好高，唔會因為冇讀VA就冇晒；

因為3福，最基本的得著當然係清楚得救，

而且仲增加左自己對傳福音嘅信心，亦對神嘅信心大左；

因為有你地一班朋友 (中學、小學)，呢個暑假一啲都唔孤單 ，仲好多姿多彩；

因為會考，每個人都變得更加成熟 <---呢句咁真實嘅說話成日聽......

成個暑假，都冇掂過學術性嘅野，

雖然有啲擔心起步太遲，但係，呢個暑假過得好充實。

F.6,7的挑戰，我會牢牢記著！